رد: هل اتعرضت لموقف زي ده قبل كده ....وعملت ايه ......؟؟
المشاركة الأصلية كتبت بواسطة kbarema
هههههههه حصلت معايا بس كانت اصعب من كده
لو حد فيكو راح العتبه
فيه هناك جراج 6 ادوار
روحت بلانسر بومه بتاعه والدى وركنت في الدور الخامس تقريبا ونزلت اشتريت حاجتى كنت المفروض انى بتجوز
المهم انى نستي الكارت بتاع الجراج في العربيه بدل ما يضيع منى
وانا راجع وشايل علي كتفي انا و3 اصحابى طلعنا ملقناش العربيه فعلا مش موجوده مكانها
قلبت الدنيا مش موجوده طلعت ونزلت ال 6 ادوار انا واصحابى مش موجوده نديت الامن وشتمته وضربته وقولتلهم مش ماشي الا بالعربيه والعساكر جت وكانت فضيحه والناس اتلمت حتى اللي كانوا راكنين كله خاف علي عربيته والامن يقولي طب فين الكارت بتاع العربيه قولتله انا سيبته جوه العربيه يقولي خلاص ملكش حاجه عندنا ايه اللي يثبت انك سيبت هنا عربيه وانا اضرب فيه قولتله روحك قصاد العربيه
وكان هيجيلي ازمة قلبيه
وفي الاخر جه واحد شكله اهبل يقولي انت متاكد انك راكن هنا اشتمه شتيمه وحشه كنت منفعل اوي و كنت هضربه الا انه انتبه وقالى اصل فيه هنا جراج تانى شبه دا بالظبط قولتله بتهرج قالي اه جراج العتبة قولتله امال ده ايه قالي دا جراج الاوبرا ببص وهو بيشاور عليه لقيته نفس المبنى اللي انا فيه بالظبط بنفس عدد الادورا والشكل جريت جريت جري ما بعده جرى وطلعت الدور الخامس جرى لقيت العربيه واقفه حضنتها وقعدت ابوس فيها وقعدت علي الارض مش قادر اقف اتارى انا لفيت في العتبه وطلعت من مكان تانى والجراجين شبه بعض خالص ومختش بالى هههههههههه عمرى ما هنسي اليوم ده
|
اوبا ده موقف جامد كويس ان ربنا سترها معاك ومنضربتش بعد ده كله لما عرفوا انك غلطان وبعد البهدلة اللي انت بهدلتها للامن
__________________
لا اله الا انت سبحانك اني كنت من الظالمين اللهم اني استغفرك من كل ذنب اذنبته ........... سبحان الله وبحمده ... سبحان الله العظيم ........... سبحان الذي سخر لنا هذا وما كنا له مقرنين وانا الي ربنا لمنقلبون
قَالَ رَسُولَ اللَّهِ صَلَّى اللَّهُ عَلَيْهِ وَسَلَّمَ: (( الْمُسْلِمُ أَخُو الْمُسْلِمِ لَا يَظْلِمُهُ وَلَا يُسْلِمُهُ وَمَنْ كَانَ فِي حَاجَةِ أَخِيهِ كَانَ اللَّهُ فِي حَاجَتِهِ وَمَنْ فَرَّجَ عَنْ مُسْلِمٍ كُرْبَةً فَرَّجَ اللَّهُ عَنْهُ كُرْبَةً مِنْ كُرُبَاتِ يَوْمِ الْقِيَامَةِ وَمَنْ سَتَرَ مُسْلِمًا سَتَرَهُ اللَّهُ يَوْمَ الْقِيَامَةِ ))
|