بسم الله
يا رجاله الحمد لله معايا مبلغ محتاج اغير بيه الاربع فرد كاوتش للعربيه وهوضح كل البيانات وهى :
مقاس الكاوتش : 185/60 R 14
عدد الكيلوميتر : 65.000 الف من ساعة ما اشتريت العربيه ( وهى زيرو على فكره ) وكان الموجود فيها هو Good Year وحالته الى حد ما مقبوله بس اعتقد كده كفايه ، بناءً على نصائح اهل الخير .......
المهم بعد اللف و التمحيص
وعلشان اوضحلكوا الميزانيه فانا عامل حسابى على 450 للفرده الواحده ممكن تزيد 20 او 30 بالكتير قوى وده اخرى والله ..... ولقيت التالى
الاسعار بتاريخ 26/2/2013
كومهو Kumho فيتنامى 340
هانكوك Han-kook مجرى 390
هانكوك Han kook كورى 410
بريدجستون Bridge Stone اسبانى 430
تويو Toyo يابانى 470
كونتنتال Continental المانى 440 ( طبعا السعر ده مستحيل لكن بالاستفسار من كذا واحد فهمت انها 80% صينى و 20% المانى ونلبسها على انها المانى ) والله اعلم
دانلوب Dunlop جنوب افريقى 440
يوكوهاما Yokohama يابانى 460
الاسعار دى تجميعه من محلات
الايمان ( سمير بيومى ) ،،، اشرفكو ،،، توكيل هانكوك بالدقى
اتمنى طبعا انها كاحصائيه تفيدكم ، بالنسبالى انا بفضل اليوكوهاما و التويو وحابب رايكم
، ولا احبذ البريدج ستون لا فى ناس كتير قالت عليها ناشفه
مع العلم انهم جميعا انتاج اخر سنة 2012 ومش هقدر ازود مليم ( ده من لحم الحى يا جدعاااااااااااااااااان
)
فلو حد يفيدنى اكون مشكوووور جدا ، ولو حد عنده اقتراحات تانيه ياريت يقولى منين و السعر كام ورقم التليفون
شكرا للمنتدى وليكم جميعاً