المشاركة الأصلية كتبت بواسطة mr_astra
مممممممممم ما اختش بالى انك من اسكندرية
اللى المفروض يتعمل
انا عرفت ان الشاسية عندك فية مشكلة من اول ما بدات تقول عمل تخويش للمساعد لان المساعد فى الـ 28 لو الشاسية مش مظبوط تلاقى العجل قالب لجوة وعشان يعدل العجل بدون ما يتشغل فى الشاسية بيعمل التخويش عشان يديلة المقاس او العدلة المظبوطة
كمان طول الاكس بتاع الكوبلن اتغير عشان الشاسية مفتوح من تحت
مهو الحل الصح انك تشيل الموتور
وتعمل زرجينة للشاسية من تحت بالمقاس المطلوب
والزرجينة تفضل مش اقل من 4 ساعات
وتلم اى شرخ فى الحوض
وتعمل الشداد السفلى
والشداد العلوى كمان
وفى التقفيل لازم الموتور ينزل فى مكانة بسلاسة مش حشر
وترجع الاكس الاستنادر
والمساعد يركب بمساميرة الفعلية مش المتخوشة
تظبط زوايا امامى
هتلاقى العجل مستقيم بامر الله
اما من الخلف
فك السوستة اللى بالعرض
وتتقنطر السوستة بارتفاع مناسب وانا اقترحت انة يكون 27 سم
هتلاقى العجل لو جلب المقصات سليمة بقى عدل ولا قالب لبرة ولا قالب لجوة
|
ولا يهمك ياباشا
بص ياباشا انا اشتريت العربية من 8 شهور زى ما قلت فى الاول قعدت معايا اول 4 شهور
زى الفل مش بسمع اصوات شخللة ولا اى حاجة والعجلتين الى ادام نازلين مسطرة
بعد كده بقيت اسمع اصوات الشخللة وبعد كده ...
اول لما غيرت المقص والبطاحة عند العفشجى العجلة الشمال اتقلبت قلبة سودة
مع اصوات الشخللة الى ظهرت قبل العفشجى .. العفشجى ده عمل ايه قلب العجلة كده
الله اعلم .. بعد كده الرجلاش بتاع المساعد والركبة دول افتاءات علشان يعدلوها وبرده متعدلتش
كمان ال اكس الستنادر راكب بالفعل دلوقتى والتانى ده شيلته وبالنسبة للشاسيه فى ناس قالت
مفتوح وفى ناس تانية صنيعية بردو قالو ولا الهوا ولا مفتوح ولا حاجة وانا قيست المسافة
من نص المسمار بتاع البطاحة لنص المسمار التانى طلعت 99 سم بالظبط .
وياريت تقولى ايه المقصود بالصدر الامامى وكمان الركبة اليمين تقريبا كويسة والعجلة معدولة
ولا نغيرها احتياطى ؟ وياريت شرح لنقطة المساعد لما يركب يركب فى المنتصف بالظبط
وازاى اتاكد منها .. كمان انا عاوز اتفق مع السمكرى والميكانيكى انى هستلم منهم على جهاز
ظيط زوايا لانى بصراحة ممكن اتخدع بالنظر .. فهل ده ينفع ؟؟
وبجد شكرا ليك على وقتك ومساعدتك ومعلوماتك .