[AbOnOrA]

لا فض فوك يا ابو اسلام
وذى ما ذكرت فيه دائماً طائفة مبررين ومزينين وفيه كمان طائفة منتفعين (ودول الاخطر)
فبالتأكيد القرارات دية هتصب فى مصلحة

1- مهربين البنزين اللى بدل ما تصدر قوانين رادعة وتتاخد اجراءات حاسمة لمواجهتهم وتشتغل الاجهزة الأمنية على اعلى مستوياتها لضبطهم هيلاقو مليون طريقة لاستغلال الوضع الجديد فى صالحهم وتظهر سوق سودة لتجارة البنزين باسعار اقل من السعر الغير مدعوم وباستخدام بنفس البنزين المدعوم

2- الشركات الاحتكارية المتخصصة فى الغاز الطبيعى واللى بتحميها الحكومة بمنع استيراد سيارات مجهزة من المنشاء للعمل بالغاز الطبيعى

3- شركات البترول الاجنبية اللى هتستمر فى استخراج البترول (المصرى) وبتاخد نسبة اكتر من النصف لنفسها بدل ما هتبيعها بالسعر القديم هتبيعها باسعار اعلى وبالتالى مكاسب بالمليارات

للاسف الحكومات بدل ما تقوم بدورها اللى هو التيسير والتنظيم بتشتغل سماسرة على حساب المواطن المصرى اللى هو نفسه بيدفع الضرائب والرسوم والجمارك وبعدين هو نفسه يتذل علشان ياخد الدعم او يحصل على احتياجاتة الاساسية