من 3 ايام كنت بغير سير التقسيمة جبته دايكو ايطالى ب 80 وبلية الشداد المتحركة كورى ب 90 و الثابتة ب 60 المهم العربية لما الميكانيكى غير جه يدور العربية فضلت تتهز جامد جدا زى متكون متلتة وتبطل اعد يحاول تانى وتالت معرفش يظبطه فضلت العربية عنده 3 ايام مش عارف يغير السير و العقرب بتاع بلية الشداد الجديد اتكسر منه بعدين وهو بيركب فك طرمبة الميه عشان يعرف يدخل السير لما افلها بقت تفضى المياه اللى فيها تانى
طبعا انا شوفت الويل بقالى 3 ايام روحت النهارده اخدت العربية منه وقلتله هاتها على كده وطول مانا ماشى زى ماتكون فى حنفية مياه نازله منها
روحت لميكانيكى تانى قالى هاخد 200 جنيه قبل ما افك حاجة وطلما السير ركب غلط والعربية متلتة يبقى جابت صبابات روحت سايبه وماشى
هل هى كده جابت صبابات ولا لأ و البلية المتحركة تنفع تركب والعقرب مكسور ولا تأثر على حاجة وطرمبة المياه باظت كده لما اتفكت ولا ممكن تكون مش مربوطة كويس
ياريت اى حد يفيدنى اجيب بليه تانية ولا لأ ولا اعمل ايه ؟
