[QUOTE=Eng/salwa;847670]
يا فندم جزاك الله خيرا على إعتذارك
لاننى فعلا تألمت جدا من مشاركتك اللى قلت فيها انى دبلوم تجارة
بالرغم ان اللى مؤهله دبلوم ده برضه انسان وله حق العلاج فى بلده ودبلوم التجاره ليس سبة او شتيمه فأنا احترم الأمى واللى لم يتعلم فى بلدى أكثر من المؤهلات العليا ودكاترة الجامعه لانهم كان الله فى عونهم لان أستاذ الجامعة تعبان فى البلد يبقى همه عاملين ايييه
ولكن ما اغاظنى انك كل اللى لفت نظرك فى الموضوع من اوله انى ممكن اكون لست مؤهلة علميا علشان أقول آآآآآآآآه
الألم يا فندم يشعر به المتعلم والجاهل
المرض اللى انا دايخة بيه الآن يؤلم المتعلم والجاهل
تكاليف العلاج الخرافية تعجز المتعلم والجاهل
المطالبات المالية من طوارئ المستشفيات يعجز عن دفعها المتعلم و الجاهل
الجلطة فى المخ لا تفرق بين متعلم وجاهل او دبلوم ودكتوراه
تغيير صممات القلب اللى تعب فى البلد بتتغير للمتعلم والجاهل
لما تكون عجزت عن الاخراج الطبيعى وتعمل الاخراج بالقسطرة
ده بيوجع المتعلم والجاهل
سرير المرض اللى النوم عليه يصيب تقرحات الفراش
يصيب دبلوم التجارة و الدكتوراه
لما تكون موجوع ومتحسر على أعز انسان عندك ورفيق عمرك
وأبو أولادك وحبك الأول و الأخير ومش عارف تشيل وجعه إزاى
ساعتها
مش هتقول الله يكون فى عون مرسى و لا مبارك
هتقول
حسبى الله ونعم الوكيل فى مرسى ومبارك وكل الرؤساء
لما تبكى بدل الدموع دم
مش هتقول خليكى منصفة و إعذرى الأخوان
هتقول ربنا ينتقم من كل مقصر فى عمله
ايام مبارك ولا ايام مرسى
انا لا يهمنى مبارك ولا مرسى
ولا احب مبارك و لا مرسى ولا غيرهم
انا لا احب الكلام فى السياسة أصلا
انا أحب فقط زوجى وأولادى و أسرتى
ومش عاوزة غير حياة آدمية ومستشفى آدمى
أتعالج بكرامة و عزة نفس
بكرر اعتذارى لحضرتك للمره التانيه لو كانت مشاركتى ضايقتك
وبكرر أيضا دعواتى لحضرتك انه يجمعك بابنك ويجزيكى خير الجزاء عن صبرك
وانا لما اقولك لاتعطنى احساس بان حضرتك دبلوم تجاره
فانا قولت كدا لان واضح من كلام حضرتك ان المريض هو زوج حضرتك الاستاذ الجامعى
فطبيعى جدا حضرتك مش هاتكونى دبلوم تجاره
الموضوع لا يعدو الا ان يكون رد فقط على حضرتك بخصوص التصويت بنعم ع الدستور
ملحوظه : أقسم بالله لم انتخب الاخوان سواء ف الجوله الاولى أو الجوله الثانيه
الجولتين قاطعت
لان مكنش ممكن امسح من ذاكرتى سنه ونصف من بعد الثوره رأيت فيهم مواقف غير مفهومه للاخوان سواء ف نظرتهم للاحداث السياسيه التى مرت فى هذه الفتره كمجلس الوزراء ومحمد محمود ، او سواء ف اداءهم المخزى ف مجلس الشعب حيث اننى رأيتهم (عدا البلتاجى ) وكأن مباحث أمن الدوله تقبع لهم ف زوايا البرلمان المسكين
ولكن من المسلمات أن مرسى الان أمامه الكثير ليصلح ما أفسده الاخرون ف سنين طوال
لان الصحه ف مصر ومع الاسف كانت ولاتزال تجاره ومقاولات
وصحه المصريين كانت ف انحطاط وحضيض
لان الكلاب ف الغرب يعاملون معامله أحسن من معامله البشر ف مصر
وأعتقد ان البدايه لاصلاح الاحوال ف مصر هى استرداد ماتم نهبه فى تلك الحقبه العابره من تاريخ مصر على يد حقراء مصر فى زمن مخلوع مصر
ولن يتم ذلك الا بالقانون ثم بالاستقرار السياسيى
ومن بعده سيأتى الاستقرار الاقتصادى للبلد ف كافه المجالات
ولن يتحقق كل ذلك الا عن طريق رجل يخشى الله قبل أن يخشى شعبه
اسف لو طولت على حضرتك