[amir elgamal]

المشاركة الأصلية كتبت بواسطة fakarona طب ازاي تم اكتشافها ولم يتم الحل انا الي رحت اشتريت الترمبه وهوه الي ركبهالي يعني هيه هيه نفس المشكله ولا دي حاجه تانيه هيه الي مسخناها ولا الترمبه الي جبتها كانت وحشه ولا دا عيب تاني فيها معلشي انا بطول عليكم وعايزه اعرف حاجه مؤشر الحراره المفروض يبقي في النص ولا الربع الاول اصل العربيه المؤشر بيبقي في النص وتاني شيء عايزه اعرفه ايه الفرق بين اني امشي علي D ,DS ,L دي في الفتيس الاوتوكماتيك

اولا: بالنسبه للغيارات فالاستاذ احمد جاوب حضرتك وتحياتى الكامله له
ثانيا: ممكن يكون عيب تانى وده الى انا اتوقعه ياريت حضرتك تراجع مياه الريداتير وتشوف هل فى فقد فى المياه ولا لا
ثالثا: المؤشر فى النص عادى مش خطر
لكن الطبيعى ان المؤشر يبقى فى الربع
لكن فى حاجه
المؤشر بيوصل للنص فى الطرق الزحمه او والعربيه واقفه ولما المروحه تشتغل تبدا تنزل للربع تانى وبعدها المروحه تقف وتوصل لقرب النص وبعدين المروحه تشتغل وهكذا
الطرق السريعه مفروض تكون على الربع واقل كمان
بعدين ده الجو كويس امال فى الصيف هتعمل ايه !!
لكن فى سؤال لحضرتك
العربيه بتوصل للخطر ؟ يعنى للاحمر؟ ولا اخره النص بس ؟؟
متابع مع حضرتك