سلام عليكم
اخواني
دلوقتي انا جديد في السواقه
انا معرفشي طرق نهائئ لا نهائئ دي بسيطه معرفشي طرق بالمره لا مره دي بسيطه العموم انا مش عارف اي طريق في القاهره خالص
والنهادره كان اول مره احس بالمشكله دي لاني كنت نازل مشوار في روكسي علشان اسال علي دوره انجليزي وكده
المهم طبعا اعتزرت عن المعاد لاني معرفتش اوصل بعد لف لمده ساعتين
واسال كل واحد يوصفلي واصفه ولما اعملها يقولي ايه الي جابك هنا
واخرتها طبعا تعبت جدا من اللف والبنزين كان قليل فخفت ابعد قوي عن المحور ومعرفشي ارجع فقولت ايه خلينا في السليم واسال فين المحور
اسف لسرد الحكايه كده
بس بجد كل ما اقف واسال حد اولا مش بفهم اساسا الي بيقوله بيقولي اطلع ميدان لبنان ومنه مش عارف علي فين وبعدين خد كبري ايه وبعدين
وانا ولا فاهم اي حاجهptmnlo123per144
ولما اقوله مش فاهم يقولي طرق اغرب من الي قالها
وطبعا مش كل مشوار ليا هاسال بقي كل واحد وبتوع التكسي وكده
المهم انا عايز حل للمشكله دي بجد ارجوكم لاني كلها اسبوع وهانزل القصر العيني ptmnlo123per154 وجامعه القاهره كليه طب علشان دورات ومقابلات مع الدكتره ptmnlo123per1106
المهم بجد انا عايز حل للمشكله دي
ومش طبعا كل شويه هاطلب من والدي يعرفني الطريق لاني كده هاتعبه قوي معايا
المهم انا لما كنت بدور علي عربيه ولانواع وكده من حوالي شهرين لاقيت في معرض كورولا ان في عربيه كورولا هاي لاين فيها نيفيجيتور وجي بي اس وجربته وكده وحددلي المكان
مش عارف ده ايه نظامه وهل ده حل
ولا في حل تاني
ياريت بجد حل للمشكله دي باقل التكاليف لاني انا الي هاصرف عليها يعني
منتظر مساعدتكم
واسف علي الاطاله في السرد
ptmnlo123per122