[M.Sami el adham]

..... اعدنا نضحك بتاع ربع ساعة , و فى ايه يا جدعان انتوا كنتوا رايحين تعملوا ايه ؟! يلا نمشى مالحتة دى بسرعة !!
المهم نفخنا العجلة على ولاعة ال e21 .. والصراحة منفاخ 2 بستم رهيب بسم الله ما شاء الله نفخ العجلة فى دقيقة و نص كانت على 28 !! ما شاء الله ربنا يباركله فيه , نسيت اساله منين و بكام !! سالته بس كام بستم ولا بالونة ولا ايه !! المهم
طب ايه يا جدعان .. بتاع الفليشيا قال انا لسة مفول تعالى خد بنزين من عندى .. يا عم احنا تقيلنا عليكوا جدا يا جدعان والله .. و والله كلهم رجالة جدا .. احسن من مليون واحد صحبى و متربى معاه و مرضاش يصحالى ولا مردش عليا !! سبحان الله

انت اساسا كاربيراتير !!! ازاى هاخد منك بنزين و مفيش خرطوم عشان نسحب بنزين منك , و حتى لو فيه انت عندك مصفاه فى التانك .. قال لا منا معدلها طرمبة كهرباء .. ما شاء الله .. يلا يا عم .. بمجرد اننا فكينا خرطوم الطرمبة و فتح الكونتاكت لاقينا رشااااش .. ولا مسدس بنزينة ..ما شاء الله و نسيت بردو اساله دى طرمبة عربية ايه ؟! لانها صغيرة جدا بحجم لمبة كشاف العربية كدة و ما شاء الله عليها , ربنا يباركله فيها بردو .. لحسن يعطل هو كمان .. ربنا يكرمه

ملينا ازازتين و دور دارت .. طيب بالنسبة للعربية الى مرزعة دى . جه دورنا بقى .. شفت الزيت , ملقتش فيه ولا نقطة .. و هو دة للاسف اللى رزع الموتور .. صاحبى كان معاه 2 لتر زيت فالفولين رحنا حاطينله و كدة .. ايه الضمانات عشان الاستبن ..
هو : انا ساكن فى التجمع الخامس , و بشتغل فى صيدلية فى مدينة نصر و دة رقم تليفونى اى وقت ابقوا عدوها عليا .. والله انا مبقتش مصدق فيه ناس كدة .. رغم وقفتنا دى بس ربنا وقفلنا ناس زى الفل والله .. الحمد لله ..

دة اغرب موقف وقفت فيه فعلااا !!! و ربنا يسترها علينا و عليكوا يا رب