الموضوع
:
اغرب موقف فى حياتى !! تبا لكوبرى اكتوبر !!
عرض مشاركة واحدة
#
1
15-02-2013, 01:45 PM
M.Sami el adham
تاريخ التسجيل: Jul 2012
المشاركات: 235
اغرب موقف فى حياتى !! تبا لكوبرى اكتوبر !!
السلام عليكم يا اهل مصر موتورز الكرام !!
حصلى امبارح اغرب موضوع ف حياتى فعلا .. و تقريبا هو نحس منى او غباء مالاخرين و الله اعلم
امبارح كنت مع واحد صحبى فى عربيته البى ام دبليو e36 الجديدة الشهيرة بالدبانة ..بنوصله المهندسين و احنا كنا فى مدينة نصر المهم
طلعنا على اكتوبر و مشين على 100 و صحبى راح مزود بنزين و بياخد ملفات الكبرى الحادة على 120 و لا همة ( بيجرب الثبات ) و لا حاسس بأى حاجة ولا الهوا ( بى ام بأه ما شاء الله ) و حيث انها بجانط 17/225 على 40 .. قبل مكتب البريد و بياخد الملف على 120 تقريبا و فجاة ..... تاااااااااااااااااك !!!
لبسنا حفرة ملعونة ... انا : استنا كدة اسمع .. صحبى اللى سائق : يا نهاااااااااااار !! العجلة نامت , و دجدجدجدجدجدجدجدجدجدجدج ( صوت العجلة
)
ركنا على جنب ... انا ربنا يستر عالجنط ( لانى من اصحاب الجنوط ال 17 و عارف
)
انا : هات يبنى الاستبن ..
صحبى :
انا : فى ايه يبنى هات الاستبن و الكوريك
صحبى :
انا : ايه ؟! متقولش ؟! لا لا لا !!! متهرجش !!! احنا فوق اكتوبر و الساعة 3 بليل !! مفيش استبن .... و الجديد ان مفيش كوريك بردو .. و المشكلة ان ابعادها 5*120 ... ماعهوش الا مفتاح صليبة ... كنت عايز اقوله حطه ف .. جيبك
المهم نعمل ايه نعمل ايه !! مفيش .. اتصل يبنى بالنجدة بتاعت الكوبرى تيجى تشدنا ( طبعا كانت احلام مواطن وطنى جدا و فاكر انه فى نيو يورك و ان فيه حد اصلا هيعبره و ان الشرطة فى خدمة الشعب والهبل دة !! )
اتصل يبنى بالنجدة ...
الو ايوة حضرتك انا واقف العجلة فرقعت منى على اكتوبر قبل البريد و كنت عايش ونش يجى يشدنى .. اتصل ب 133 تقريبا ولا مش فاكر .. اتصلت .. حضرتك انا واقف على اكتوبر و..الخ .. اتصل حضرتك ب 010....... دول مين حضرتك .. دول نجدة الطرق .. اتصلت .. حضرتك انا واقف فى ..الخ , حاضر هعمل بلاغ لاسم الموسكى يبعتوا لحضرتك عربية ان شاء الله ... انا : الف الف الف مسكن عرب و جراج ..
ربع , نص , ساعة , ساعة و نص , الفجر اذن .. اتصل يبنى شوف الناس دى
متابع ..
M.Sami el adham
مشاهدة ملفه الشخصي
إرسال رسالة خاصة إلى M.Sami el adham
البحث عن المشاركات التي كتبها M.Sami el adham