المشاركة الأصلية كتبت بواسطة ahmed el gendy
انا بصراحه معرفش ف اسعار المازدا بس اللي عاوز اقوله لو راشه بالكامل يبقي ابعد خالص عنها بقي عربيه 2009 ورشه بالكامل ليه يعني ااكيد فيها مصيبه وبعدين فيه صنايعيه بيرجعوا العربيه زي الفبريكه بالضبط ولا الجن الازرق يعرف يكشفها دي مجرد نصيحه
|
مش شرط يا باشا والله العربية من كتر مشيانها في الشوارع والله يكرم الميكروباصات والتاكسيات الي مفركيين نفسهم شوماخر والموتوسيكلات الصيني والاطفال الي ماسكة مسامير فهتلاقي عربيات كتير متدهولة من جميع النواحي فبتضطر انك ترشها ... دا حاجة
ممكن برضو ان العربية اتخبطت خبطة هنا او هنا فلازم تترش ... دي حاجة تانية
المشكلة كلها ان العربية تكون مقلوبة ودا طبعا بيتعرف ودا الي لازم ابعد عنو
وبعدين انا عاوز عربية مازدا في حدود 65000 متزيدش عن كدا اعمل ايه منا لازم اتنازل شوية
اختارت المازدا لشكلها وعفشتها وسحبها وموتورها الجبار حتي لو كانت اوتوماتيك لاني مش بحب المانيوال علشان رجلي بتوجعني لظروف صحية
ولو في اي اختيار تاني قدامي بالسعر دا وافضل اكيد هختاره بس السحب والجري وقوة الموتور مهمة جدا مع الثبات بالنسبالي