زى ما قال استاذ حازم الكيا الريو كلها كورى مفيش حاجة مصرى فيه موديلات احدث ايرانى (اعادة انتاج لموديل 2003 - 2005) ومنزلتش هنا فى مصر
الريو عامة الخطوة التانية لكيا بعد الكيا برايد لان البرايد كانت تصميم واخدينة من مازدا بشكل كبير (مازدا 121) اما البرايد فكانت اول تصميم لكيا تماماً زى ما هيونداى عملت الاكسنت بعد الاكسيل
العربية (الريو) تقارن بالهيونداى فيرنا تحديدا لان الاتنين من نفس الجيل والفئة
الريو في منها محركات 1300 و 1500 و 1600 بقدرات 75 - 96 - 105 حصان
الريو عامة افضل من الهيونداى اكسيل واكسنت وتتساوى مع الفيرنا بس اسوء منهم فى قطع الغيار ومش افضل منهم بشكل كبير اوى برضو
النيو اكسنت افضل من الريو عامة لانها بقت نفس كل حاجة زى الريو مع توفر قطع غيار وانتشار افضل
افضل موديلاتها 2003 - 2005 لانها عالجت فيها مشاكل كتير فى العفشة والفرامل وتم تحديث المحرك ورفع قدرتة ليصبح 80 حصان مع عزم اكبر ايضا مما جعلها من افضل السيارات فى الاداء فى هذه الفترة
