صوت فى دبرياج الفيرنا
السلام عليكم
انا معايا فيرنا 1600 موديل 2007 عاملة 66000 كيلو لما ادوس دبرياج وانا واقف من غير ما ادى غيار مع رفع رجلى من على الدبرياج بسمع صوت تقريبا ناتج عن فصل الاسطوانة مع الديسك فرحت لميكانيكى قالى ده الخلوص بتاع الدبرياج فقلتله حله ايه؟قالى عادى مش مهم بس الصوت ده انا مش عايزه خالص فى العربية وكمان بسمع الصوت ده مع نقل الغيارات الاول والتانى فسمعت ان فيه حاجة اسمها ضبط خلوص الدبرياج فهل ده ليه علاقة بالصوت اللى عندى فى العربية ولا ايه؟ولو الصوت ده من الخلوص اعمل فيه ايه؟وايه معنى الخلوص ده؟ مع العلم ان انا لسه مغير طقم دبرياج من قريب وسحب العربية تمام والديسك والاسطوانة والبلية تمام والصوت ده مش صفارة ولا تزييقة ولا خشونة لكن الصوت ده زى ما يكون لما ادوس على الدبرياج واجى اشيل رجلى حتى من غير ما ادى اى غيار بحس ان فيه الصوت ده زى ما يكون الديسك بيفصل عن الاسطوانة لما اشيل رجلى وكذلك الصوت ده بسمعه مع الاول والتانى ولما سالت على الصوت ده قالولى ده الخلوص بتاع الدبرياج وواحد قالى ان فيه حاجة اسمها ربط خلوص الدبرياج فايه ربط الخلوص ده؟
|