تحياتى أولاً لأعضاء المنتدى المحترمين
بعد تجربة و لف كتيير هقلكوا على المعلومات اللى طلعت بيها لعل و عسى حد يستفيد منها.
اولاً الشروخ ممكن تنشأ لعدة أسباب:
- المساعدين ( اتأكد ان المساعد مش ناشف )
- العفشة
- أكلت مطبات أو حفر فى الأرض (خليك حريص فى الشوارع اللى انت مش حافظ معالمها - امشى على سرعة 40:50 علشان تتفادى المفاجآت) يا سيدى اكن العربية فى التليين ...... الكلام ده فى الشوارع اللى ما تعرفهاش طبعا غير كده براحتك.
ثانياً: الشروخ الغير مرأيا دائماً بتكون خطر علشان بتفتح معاك فى شغل السمكرة جامد و دى بتعرفها من الأتى:
- المقاس بين البطاحتين من منتصف المسمار الأوسط الى الأخر 99 سم اذا كان اقل من كده اعرف ان هناك شرخ فى الحوض و لازم يتعالج بالزرجينة و السمكرى يلحة و الزرجينة أو القلب راكبين.
- وجود شروخ بين الرفارف و الحوض و فى الحالة دى بتلاقى العربية بتحدف معاك و انت ماشى و لازم علشان تعالج الشروخ دى تحل التابلوه و الرفرف اللى عنده الشروخ علشان اللحام يكون تمام من جوا و برة
بالنسبة لتركيب شداد (بار) علشان الشاسيه ما يفتحش ...... على فكرة ده خطر على الشاسية و بيدغدغ فى العربية 
الناس اللى لسة مشترين السيارة و عرفت ان فيها شروخات و فيه بوادر بارومة ..... يروح لسمكرى محترم طبعا و يتفق مع ميكانيكى انه يرفع الماتور بالمرة يعمله صيانة 
.... ويبقى كده الحوض كله مكشوف و يشوف تحت الدواسات و لو قدر يغير الرفرفين الأمامى يكون احسن علشان هيكشف الشروخات اللى بتبدأ من هنا بتبقى كتييييييييييييير.
أرجو ما كنش طولت عليكوا .............
أخوكم / أحمد زكى