[Vanditta]

المشاركة الأصلية كتبت بواسطة mr_astra حضرتك دور الموتور وشيل سلكة بوجية رقم واحد وزود بنزين من الواير واسمع الصوت لو اختفى ولما تحط سلكة البوجية الصوت بيظهر يبقى البستم رقم واحد هو اللى بيرزع نفس الخطوات هنكررها فى بستم رقم 2 شيل سلكة بوجية زود بنزيد من الواير لو الصوت منع يبقى البستم رقم 2 هو اللى بيرزع وكرر الخطوات فى الاتنين الباقيين رقم 3 ورقم 4 ومن هنا هانحدد اذا كان فى صوت ترزيع فى المكنة من عدمة طب لو قلنا مثلا اننا استخلصنا ان فى صوت ترزيع جاى من البستم رقم واحد هنا بقى فى حالتين اما ان سبيكة الكرنك هى اللى اتلحست وبدات ترزع او ان جلبة البيل او البنز بدا يكون فية تاكل وهو اللى بيرزع الصوت فى الحالتين مختلف وبالخبرة بنقدر نحدد هل الصوت رنة بنز او ترزيع سبيكة وفى حلول مسكنة ولكنها عملية بس الاول عاوز اسالك هل لمبة الزيت بتبربش معاك فى السلانسية ولا مطفية طول الوقت

:GROWIN~ 12:

انا اما الموتور رزع منى (مرتين) كنت بسمع صوت التكتكة دة
فى الاول ماكانش بيبان الا لما أقرص على المكنة بس بعد كدة الصوت بقى ظاهر اكتر
وكانت لمبة الزيت بتنور على السلانسية وبتطفى اما ازود بنزين
وطلع الترزيع من سبيكة الكرنك