[AbOnOrA]

للاسف فيه صنايعية كتير معندهومش ضمير خالص
وللاسف كمان ان فيه ناس كتير بتتعامل مع صنايعية بنظام (الطيارى) يعنى ماشى لقى مشكلة فى عربيتة يقوم معدى على ميكانيكى ولا عفشجى فى سكتة وخلاص وده مش صح
انا دايماً بقول الميكانيكى ده لازم يكون صاحبك وحبيبك وكفائه زى الحلاق بتاعك او زى الجزار بتاعك لازم يكون حد تعرفه ومتابع معاه دائماً وعارف حدودة بيفهم فى ايه ومبيفهمش فى ايه

لان لو ربنا نجاك من الناس المحترفة فى النصب كمان فيه صنايعية برضو على قدها فممكن علشان عايز فلوس وعلشان يعوض الوقت اللى ضيعة فى عربيتك لمحاولة اكتشاف العيب واصلاحة هيبوظلك حاجات اكتر او يدفعك تكاليف انت مستفدتش بيها فى حاجة

عموماً قدر الله وماشاء فعل ومتزعلش على الفلوس ربنا يجعلها فى ميزان حسناتك

وبالنسبة لعلبة البيئه فهى زى اسمها وظيفتها فقط انها تبقى فلتر للعوادم الناتجة من عملية الاحتراق فى المحرك فتقلل الانبعاثات الضارة على البيئه لكن تاثيرها عدم وجودة على العربيه مش هيعمل مشاكل بالعكس لو موجودة وفيها مشكلة - مسدودة مثلاً - ده ممكن يعمل مشكلة وياثر على اداء الموتور

حضرتك طبعاً محتاج زيارة لمتخصص شكمانات محترم يشوف ايه اللى ممكن يتعمل فى حالتك واذا كانت متتظبطش او تصليحها تكاليفة مش مناسبة فانت مشى نفسك من غيرها وجيب واحدة وانت داخل على الفحص فى المرور ... وربنا يكون فى عون البيئه