[أيمن الروبي]

المشاركة الأصلية كتبت بواسطة حسام البورسعيدى ايمن باشا .. اولا احييك جدا على موضوع الرائع ونصائحك المميزه التى تنم عن خبره واسعة فى مجال طلاء السيارات ما شاء الله .. جزاك الله عن كل ما تفيده بخبرتك كل خير ... دلوقتى يا باشا انا معايا عربية هيونداى افانتى موديل 97 لونها فضى ميتاليك ودرجه لونها اللى مكتوب فى الكبوت OU .. هى كانت رشه قبل كده بس اى كلام خالص .. وكانت متبهدله شويه وخصوصا وش العربية .. وديتها للسمكرى من اسبوعين ولسه موديها للبوهيجى النهارده .. هى اتعمل فيها شغل خفيف فى الدواخل .. جبت قطعيه اماميه استيراد واخدت السدر بتاعها وقطعت السدر بتاعها لانها كان مردود قبل كده ولو اترد تانى هيقى ضعيف والفروقات ممكن متتزبطش اوى .. مع العلم ان السدر اتلحم بدون مس شاسيهات العربية .. واللى ملها سمكرى ما شاء الله عليه عشره على عشره .. المهم القطعيه اللى جبتها كان لونها زيتى .. والبوهيجى جرد اللون الزيتى ده كله وهيرشه فضى طبعا انا عاوز الفيلم ده ميبانش فى البويه خالص زى ما هو مش باين فى السمكره كده .. ايه اللى المفروض يتعمل ؟؟ بالنسبة للاتفاق فهو هياخد 2300 جنية (بعد الفصال) شامل كل الخامات .. وده علشان سدر العربية بالجزء اللى تحت الرفارف .. والكبوت من جوه علشان لونه نبيتى .. والعربية كلها من بره .. وانه هيرش بويه ألمانى ودى على حد قوله افضل بويه فى السوق وافضل قليلا من الفرنساوى .. ايه رأى حضرتك فى الكلام ده ... انا اللى طالبه ان العربية تبان ليها زهوه وتطلع زى الفابريكه بالظبط وملاقيش فيها تعريج او كده .. مع العلم انى مغير كبوت ورفرفين واكصدامين والابواب كان فيها شغل بسيط اوى واتعمل .. انا عاوز درجه لون العربية الاصلى OU وتبقى ليها لمعه كده وزهوه .. تنصحنى بإيه يا استاذ ايمن اخد بالى منه وانا بتابع العربية .. هو قالى على يوم السبت يكون خلص الدواخل والعربية اعتقد تكون خدت فلر من بره وترجع للسمكرى تانى علشان يظبط لو محتاجه دقه او تظبيط اى حاجه تانى وبعدين ترجع تانى علشان تترش .. ايه راى حضرتك

اولا مبلغ الاتفاق مش وحش بس بويه الماني دي صعبه جدا وطالما العربيه ميتالك ياريت يجبلها مصلب اسكنز علي الاقل ويضيفه علي الورنيش علشان تحمي العربيه من عوامل الجو تخلي الورنيش دايما له زهوه وتحاول لو العربيه عليها معجون كتير تتأكد انه مصفيه وبعد ماتببطن تبص علي السوك والدورانات في عرجه ولا لأ
وربنا يكرمك وتطلع حاجه كويسه ان شاء الله ويكون الصنايعي عنده ضمير وبيراعي ربنا في شغله