المشاركة الأصلية كتبت بواسطة eng.ali.alasadi
السلام عليكم اخي هذه جوزة البك اللي تصير بالضبط جوة الباتري مال السيارة هاي تكون داخلة بالكير ومربوطة بيهة فيشة احيانا من تغسل السيارة او المحرك يدخل ماء للفيشة ويصير بيها عزل كهربائي لازم تشتري علبة منظف الكترونيات من اي محل ادوات احتياطية وتفتح الفيشة وترشها بالمنظف والجوزة ايضا ترشها وجرب وشوف واذا مانحلت المشكلة بدل الجوزة وقبل كلشي جيك علة الفيوزات اللي بالمحرك مو اللي بداخل السيارة بالمناسبة اني صارت عندي نفس مشكلتك لان غسلت المحرك وشغلت السيارة قبل مينشف المحرك وجيكت الفيوزات ماطلع بيهم شي وبعدين فتحت الفيشة مال الجوزة ونظفتها وانته الموضوع تحياتي وارجو منك تطلعنا على النتائج  |
استاذ علي اني اشكرك على تفاعلك مع الموضوع واسف على التأخر بالرد لانشغالي
بالنسبة للفيوزات استاذ علي اني جيكتهن كلش زين المجموعتين بداخل السيارة والي جنب المحرك مابيهم اي شئ لكن الجوزة ماعرف عنهة وياريت تزودني بصورة عن مكان الجوزة او تنطينة فديوا واكون الك ممنون لان كثير من الاخوان يعانون من نفس المكلة وجعله الله في مزان حسناتك وشكر الك استاذ علي على التجاوب والتفاعل مع الموضوع .