دهان ال i10 الجديدة بعد الخبطة!
الحمد لله قدر ولطف. الخبطة كانت خفيفة فى العربية من قدام على اليمين (ناحية الرفرف كده عى تحت). بس المشكلة إن العربية لسه جديدة (ما عدتش ال150 كم حتى) فصعبانة علية إنى أخبطها ولو خدش بسيط.. وهوه فعلاً الخبطة ده مجرد خدش بس الدهان الأزرق إتشال حته منه صغيره.
ولإنى قريت فى الكتلوج إن مهم يتم تغطية أى خدش أو خبطه بسرعه علشان المعدن إلى تحت ما يصديش وما ياكولش فى بعضه، فنحتاج نصيحتكم أعمل إيه، علماً بإنه خدش بسيط وصغير بس مبين المعدن إلى تحتيه والدهان متشال.
هل أروح للتوكيل (وأنا لسه ما عدتش صيانة ال1000 كم) ولا أعمل إيه؟
|