رد: اجرائات تجديد ترخيص 128
اول حاجة تعمل عقد بيع مسجل باسمك فى الشهر العقارى بموجب التوكيل اللى معاك
وتروح المرور الاساسي بتعها تجيب شهادة مخالفات
تروح المرور اللى حضرتك تابع لية وتجدد وتنقل ملكية هناك
اجراءات التجديد ونقل الملكية
تروح الصبح بدرى وتشوف اى شركة تامين اجبارى وتدفع التامين الاجبارى عن المدة السابقة والمدة الجاية سنة او 3 سنوات
تتشرى من الخزنة نموذج فحص وتجديد ونقل ملكية
تروح لعامل رفع البصمة يرفعلك بصمة موتور وشاسية
تروح كشك مهندس الفحص وتختم منة شهادة صلاحية الطفاية لو سليمة ولو تالفة هاتشترى واحدة جديدة
تروح لمهندس الفحص وتختم منة نموذج الفحص والتجديد
وبعدين تتجه ال الشباك بتاع نقل الملكية
ومعاك
شهادة المخالفات
عقد البيع المسجل
نموذج الفحص والتجديد
التامين الاجبارى
اصل الرخصة
وعدد لا باس بة من صور لكل حاجاة فى الدنيا (العقد- البطاقة- الرخصة)
وتقدم ورقك فى الشباك
هايطلعلك قسيمة توريد نقدية
تدفع فى الخزنة وترجع تانى تدية ما يفيد السداد
وتستنى اسمك
اما انك هتاخد تصريح ودة الشائع
او هتاخد رخصة لو ربنا بيحبك
__________________
يااااااااااااا رب
إرحمنا بقدرتك علينا
|