السلام عليكم
معايا هوندا سيفيك 92 ex اوتومايك جميع الكماليات بها 2 ايرباج و لكن بدون abs
العربية ما شاء الله عليها فى الفرامل .. والله انى ركبت بى ام دبليو e46 موديل 2001 بتاعت واحد صحبى و طبعا كان فيها abs , والله كمان مرة ان احساس الفرامل فى الهوندا احسن من البى ان دبليو ... طبعا مفيش حد هيصدق لكن جربوا و انتوا هتعرفوا انا بتكلم فى ايه
الفكرة دلوقتى انى لاحظت و خصوصا فى اونة المطر الاخيرة ان العربية مش بتتزحلق حتى لو انا كبست فرامل بتقفش جامد جدا ما شاء الله بس عمرها مابتتزحلق
جربت النهاردة فى منطقة فيها رمل ناعم كتير و على 80 كم/س و كبست فجاة وقفت مكانها من غير ماتتزحلق سم !!
ما شاء الله , طبعا دى حاجة مش مضايقانى بالعكس لكن كان نفسى اعرف ايه السبب ؟!
هو عندى قدام و و را سكاكين مش طبل .. هل دة ليه علاقة ؟!