[سعيد بديع]

المشاركة الأصلية كتبت بواسطة mshamy وعليكم السلام ورحمة الله وبركاته مكان كود الموتور متعلم بالأصفر في الصورة بالنسبة ل قطع الغيار عموما للبريليود قليلة وخصوصا عفشتها أنصحك تسأل الراجل اللي انت اشتريت منه كان بيتعامل مع مين وبرضه لو في حد من الزملاء يعرف حد ثقة ممكن يقولنا

انا فعلا سالته ودلني علي واحد كان بيتعامل معاه بس انا عايز اعرف متوسط اسعار قطع الغيار عشان مينضحكش عليا في اي حاجه

لان العربيه لسه طالعه من تجديد وزي ما قلت قبل كده متسقطلها موتور جديد وعامله سمكره ودوكو

بس مثلا ناقصها الفبرة اللي تحت الازاز القدامني .... الفاصل بين الكبوت والازاز وكمان المساحات بالمكن بتاعها ..... كمان المكن بتاع الفوانيس القلاب .... اظن ينفعلها المكن بتاع الاكورد ..... عموما انا مش مستعجل علي مكن الفوانيس القلاب انا اللي محتاجه ضروري هو الفبرة اللي بينالكبوت وبين البرفيز الامامي والفبرة اللي ورا تحت الشنطه وكمان اشارتين اماميتين اللي بيبقوا جنب الفوانيس الاماميه

الحاجات محتاجها لان العربيه صاحبها اثبت الموتور عليها وسلم نمرها القديمة للمرور وهي دلوقت عايز اكمل الحاجات الناقصه دي عشان اروح ارخص واعلق نمر جديده

وعلي فكرة صاحبها مسافر بره لكن امه معاها توكيل وهتيجي معايا تخلصلي كل حاجه فموضوع الترخيص ده مش مشكلة .... انا بس عايز اكمل الحاجات الناقصه عشان الفحص