رد: قصة عبد الله00 عفريت حقيقى من الجن
لاحول و لا قوة إلا بالله
الجنيه ماطلعتش جنيه
طيب ليه كان نور السلم بينقطع لما تجيله
و أذاي كانت بتعرف أن صاحبه الرخم جاي منن قبل ما ييجي
المهم...
ما علينا ما علينا..
كلها حجات بسيطه..
الراجل ألي سايح في دمه ده هوه و مراته و عياله حد طلبله الأسعاف
و لا لسه
من فتره
جه واحد من المشايخ في قناة فضائية ألي كانوا بيشتغلوا في طرد الجن و الشياطين و خلافه
و حكى عن آخر مره له أشتغل الشغلانه دي
كان واحد دبلوماسي طلب منه يعالج زوجته من مس الجن
و بعد العلاج المكثف طرد الجن و تأكد زوجها أنها مكنتش مسئوله عن تصرفاتها و أن الجن كان مسيطر عليها
بعدها بفترة بعتت له ظرف فيه مبلغ محترم
راح سألها بمناسبة أيه؟
قالت له جوزي ظبطني في وضع مخل بعد ما شك في تصرفاتي فتره
و كنت قريت كتاب عن الجن و العفاريت قلت والله فكره
أعمل ملبوسه
و مثلت التمثيليه و كله تمام ذي ماشفت
و أنت بكده قدمت لي خدمه ممتازه أنك نجيتني من الورطه دي
صاحبنا عرف أنه أتضحك عليه و أتقرتص و لا موءاخذه
قال و من يوميها بطلت الشغلانه دي
بس بصراحه و الله أنا كان لي تجربة خطيرة في الموضوع ده
لو سمح لي دكتورنا العزيز أبقى أحكيها لكم
تجربه بحق و حقيق
عووووووووووووووو
سلام
التعديل الأخير تم بواسطة حسين122 ; 08-10-2009 الساعة 10:39 AM
|