رد: محتاج مشورتكم ضرورى اوبترا اوتوماتيك ولا صنى اوتوماتيك
الافضل كأداء بشكل عام
مفيش فرق كبير بين العربيتين
توافر قطع الغيار
الاوبترا افضل نسبيا لانها اقدم من الصني لكن دا مش معناه ان قطع غيار الصني غالية
3- اى التوكيلين افضل فى الصيانة وتوفير الرعاية والعناية الكاملة بالعربية
طبعا توكيل النيسان
4-سعر اعادة البيع
مفيش فرق كبير
5- الثبات على الطريق وتحديدا فى السرعات العالية
بص محدش اشتكى من الصني والاوبترا ثابتة جدا ودا عن تجربة
6- الفتيس الاوتوماتيك ايهم افضل بتاع الاوبترا ولا الصنى
مفيش فرق الاتنين 4 غيارات
7-باور الدركسيون ايهم افضل بتاع الاوبترا ولا الصنى
مش هفتي في الصني بس باور الاوبترا حلو وجميل
8-الوسع الداخلى
9- راحة القيادة وراحة الكبينة
10 - وسع الشنطة
11- السرعة القصوى
دول كلهم في صالح الاوبترا وبالذات ان الصني في بعض ملاكها بيقولوا ان سرعتها مقفولة 160
12- الشكل الجمالى الداخلى والخارجى
مسالة اذواق بس بصراحة العربيتن احلى من بعض مع افضلية نسبية للصني
13-السحب : ايهم سحبه افضل وخاصة بما انى بتكلم على الاوتوماتيك
برضه مفيش فرق كبير
14-الاوبشنز : ايهم الاوبشنز فيه اكتر
مفيش فرق كبير اوي بالذات ان حضرتك ناوي على الEX صالون انما السوبر صالون كماليتها افضل من الاوبترا
15- الاعتمادية
العربيتين اعتماديتين الاوبترا زي الفل ومحدش اشتكى منها والصني برضه زي الفل ولو عايز عربية اعتمادية صح اهتم بالعربية وحافظ عليها واهتم بالصيانة الدورية
16- العلو عن الارض
مفيش فرق العربيتين عاليين جدا
17- نعومة وقوة العفشة : ايهم عفشتها افضل وأنعم
مش هفتي في الصني لكن الاوبترا عفشتها كويسة ومعقولة
وفي النهاية انا لو مكانك اجيب اوبترا
ومبروك مقدما
|