[amir elgamal]

المشاركة الأصلية كتبت بواسطة norakhalil2011 لا يا امير انا قصدي ان ممكن تكون الفارمل مكتفه العجل فا مكنتش بتسحب كويس فاهمني؟؟؟!!! لاني اهو بقالي يومين المشكله دي ما ظاهرتش الحمدلله تاني ولما حسيت برعشة في العربيه وقفت على جنب ودوست عالفرامل للاخر ومشيت العربيه زي الفل الحمدلله من غير ما افتح الكبوت ولا اضغط على البوجيهات كالمعتاااااااااد بس انا كنت عايزه اعرف بما اني جديده في نادي الاسبرانزاويه هوا صوت الموتور عالي نسبياّ ولا انا بيتهيألي؟ّ! هيا مش عليا قوي بس انت عارف بقى الحسوكه وخصوصا لما تكون جايب عربيه لسه زيرو

مش لوحدك يا فندم
انا برضو بتجنن لو تهيالى ان الموتور صوته عالى ولو بنسبه بسيطه
نرجع لموضوعنا
انا رديت على حضرتك على البوجيهات علشان عنوان الموضوع مشكله فى البوجيهات
على العموم علشان حضرتك تتاكدى من الفرامل
ممكن مثلا تقولى لاخ ليكى او والدك وتبقى واقفه جنبه برضو علشان تبقى متابعه المشكله بنفسك
هيرفع العربيه من قدام ويفك العجل ويلف الطنابير ويشوف هل فى صعوبه فى الحركه ولا لا ؟
لو مافيش
هيركب العجل وينزل العربيه ويرفعها من ورا
ويلف العجل ايضا ويشوف نفس الحكايه ولو وجد صعوبه فى الحركه فعلا يشوف رجلاش الفرامل لو هو بيعرف يعمله او يروح لفرملجى يعمله

طيب دلوئتى احنا شوفنا حركه العجل ولاقيناها زى الفل
الخطوه ده بقى محتاجه فرملجى
راجعى خراطيم الفرامل ممكن تكون فيها سد او ما شابه بيخلى رجوع الزيت من التيل صعب فبيفضل ضاغط على التيل وبيمسك فى العجل ويخلى سحب العربيه مش كويس او تقطع او ممكن برضو يكون الزيت مابيوصلش كويس للتيل

اما بقى لو شوفنا ده كله ومالقيناش حاجه فاحمدى ربنا على النعمه فى ناس مش لاقيه تركب عربيه هههههه
ان شاء الله مش هنسيب حضرتك الا لما المشكله تتحل لا تقلق

كل الكلام ده انا بقوله لحضرتك علشان حضرتك شكيتى فى الفرامل
كل ده برضو مش هياخد اكثر من ساعتين
لو المشكله مش فى الفرامل هنشوف حاجه تانيه علشان نقدر نحدد المشكله
ان شاء الله المشكله تتحل سريعا