السلام عليكم أعضاء المنتدى الكرام
الموضوع يا جماعه ان نور المارشدير مكانش شغال رحت للكهربائى قاللى هات مكنه جديده.جبت واحده جديده ب25جنيه وركبناها واللطيف انه النور اشتغل بس خلف خلاف يعنى طول ما العربيه على المور أو أى غيار غير المارشدير اللمبتين شغالين أديها مارشدير النور يفصل
الكهربائى قالى فيه حاجه فى الفتيس اسمها"النغاز" روح لميكانيكى يصلحها أنا ساعتها حسيت انه بيشتغلنى صراحه المهم انه لسبب آخر تماما العربيه راحت لعفشجى فك عصاية الفتيس وخرطها وظبطها وبقت زى الفل بس أنا مكنتش موجود ساعتها فطبعا محدش لفت نظره لموضوع النغاز ده ولسه الوضع على ما هو عليه.أنا فعلا محتاج مساعدة حضراتكم لأن الموضوع على أد ما هو بسيط بس مضايقنى جدا وشكرا لكم جميعا.