المشاركة الأصلية كتبت بواسطة sherifabden
مع احترامي الشديد لحضرتك
العربيات الكوري اعتمادية برضه
وابسط مثال ان الاكسيل والاكسنت والبرايد شغالين زي الفل من التسعينات لحد دلوقتي لكن طبعا الياباني اكتر اعتمادية
وثانيا العربيات الكوري الجديدة تكنولوجي وامان عالي وكمان محركاتها ممتازة ومع المحافظة عليها والاهتمام بها وبالصيانات تكون نسبة حدوث العطل 1%
ولما اي عربية تعمل حادثة متبصش على منظر العربية بعد الحادثة لان اي عربية لو عملت حادثة هتتفرتك المهم ان اللي قاعد جوه العربية يطلع سليم او على الاقل محصلهوش حاجة لا قدر الله
وانا متفق مع حضرتك في موضوع تركيب الصورة لان حتى لو الالنترا معمولة من الورق العادي ميحصلهاش كدا وثانيا النوع دا من الموتوسيكل خفيف جدا يعني ممكن اي واحد يوقعه بصباعه وثانيا واضح جدا انها متفبركة
|
احترم رأيك جدا و رغم انك مختلفتش معايا فيه بل اكدته
انا واحد من الناس استحاله ادفع فلوس فى عربيه كورى زيرو لان بنفس التمن هركب يابانى
شتان الفارق .. عن نفسى استغرب جدا من اللى يركب كيا و بتمنها يركب لانسر
او يركب هيونداى و بتمنها يركب نيسان صنى
الكورى عشان الواحد يفكر يدفع فيه فلوس لازم يكون اقل سعرا من اليابانى ب 30 الف جنيه
هو اخره كده كلمنى عن الصاج و الشاسيه و العفشه و التفسيخ مع مجرد الاستخدام العادى
و اى عربيه هتمشى حتى لو موديل 1940 لو حطيت فيها موتور و اربع عجلات
فيه مثل انجليزى شهير بيقول
iam not rich to buy a used car
الجابانيز بيطبقوا المثل ده كويس
لكن ادفع
فى عربيه كورى زيرو عشان بصباع ايدى اللى ماسكه التاره اشغل الاغانى فده قياس غريب لا يستوى لما بنفس التمن هركب يابانى يريحنى و اكون مطمن معاه جدا و مش عايز اساسا اسمع اغانى و لا عايز حد يقول شكل العربيه حلو لانها اداه شخصيه
بتفيدنى فى اداء غرض معين لا اكثر ولا اقل