[ابو هيما]

على فكرة أنا مع موضوع أحلال الميكروباص القديم بواحد جديد على الاقل هايبقى شكله حضارى وتبقى الناس مستريحة بدل عربيات تحت الطلب دى اللى بيتنقلوا فيها والمشروع دا على فكرة أتنفذ العام الماضى هنا فى جنوب سيناء - فى شرم الشيخ- وكانت النتيجة مذهلة بس كان مع التاكسيات اللى كلها كانت موديلات السبعينات
(الخمسة راكب )وتم احلالها كلها بعربيات حديثة موديل 2008 ...
بس هى الفكرة أن زى أبو نورامابيقول (هى مش هاتختفى وهاتفضل الميكروباصات القديمة دى برده حتى بعد ما يعملوا لها أحلال باخرى جديدة موجودة برده ) بس هى هاتبقى عاملة زى الفيران والصراصير اللى مستخبية بين الجدران وهاتلاقيها فى الحتت الشعبية والعشوائية وهى مصر كلها كدة يعنى برده هاتفضل أرفانة أرفانة ..
وبعدين بقى تعالوا ..لما أحنا كلنا أرفانين ومخنوئين أوى من اللى ماسكين البلد طب ليه مفيش حد بيتكلم ويعبر عن رأيه ده بصراحة وبحرية وبنفضل بس عماألين نوشوش بعض وخايفين حد يسمعنا..
كل واحد مش عاجبه الوضع وعمال بيسخن اللى جمبه عشان هواللى يتكلم ويكون فى وش المدفع ساعة مايضرب فيبقى هو كبش الفدا وساعة ماتصيب وما يحصلش حاجة يبقى ساعتها الكل هايتكلم والكل عاوز يبقى زعيم..
أنا أسف وأرجو أن محدش يزعل منى وياخد كلامى على محمل شخصى ...
أنا زيى زيكم فى حاجات كتير مش عجبانى بس مش هاقدر أغيرها وعشان كده بحاول أتواكب وأتعايش مع الوضع الحالى عشان أنا مش لوحدى وعندى أسرتى ولو يوم وقفت أو عطلت هما هيجوعوا و عمر ما حد ما هيقف جنبى سوى الله عز وجل ..
أحنا للأسف كلنا كدة معلش مانعرفش نعمل أى حاجة عارفين ليه ------ عشان كلنا رجلنا وقعت فى
شـــــــــــــبكـــــــــ ة العـــــــــــــــــنكـــ ـــــــــــــــبوت ..!!!!!
يعنى بمعنى أصح موضوع القروض والبنوك ديه مكتفة كل وأحد وهى ديه الخية اللى نصبوهالنا وكلنا وقعنا فيها عشان مانفكرش فى حاجة وأنتم فاهمين انا قصدى أيه ونتلخم فى حياتنا وبس و فى أزاى نسدد الدين بتاع البنك اللى علينا....
أقسم بالله ويمين أتحاسب عليه أمام الله ..لو طلعوا بكرة قانون جديد وقالوا كل من هو متزوج يدفع ضريبة ترفيه فى السنة 50 جنيه فا و الله هانفضل نبرطم ونهررى فى نفسنا شوية وبعدين برده هاندفع وما حدش فى الاخر برده هايعرف يعمل حاجة ..
أقروا التاريخ وأنتوا تعرفوا ان المصرى من قديم الأزل مذلول ومتهان سواء اكأن هذا الذل والمهانة من المستعمر الاجنبى أو من الحاكم اللى من اهله وأن ماكنتوش بتصدقوا التاريخ فأقراءو القراّن -كتاب الله الذى أنزل ولأمبدل لكلماته وشوفوا فرعون اللعين اللى كتير من زمنه بيتكرر فى أيامنا دى عمل أيه فى نفسه وفى قومه ..

أعذرونى وسامحونى على كلأمى وأرجو أن محدش يزعل منى لأنى والله أنا بحبكم كلكم وأتمنلكم من كل قلبى الخير والمحبة ..
والسلام عليكم ورحمة الله وبركاته
أ