[ehabpopo]

انا عملت شوية حركات كدة فى العربية قولت اعرفهلكم ... وهى خاصة بالكاسيت والانوار كلها ... وعملتها عند البيت بنفسى انا وصديقى وجارى وعضو المنتدى الفظيع abosama ...
اولا : انا غيرت الانوار كلها للنور الابيض ( الليدات )
ده شكل النور الامامى الصغير اللى مع الطابلوة


ودى اللمبات اللى استخدمتها


ودى لمبات للوحة النمر

ودة شكل لوحة النمر بالليد الابيض


ودة شكل الصالون بعد ماغيرت اللمبة البلحة بتاعتة ... وركبت مكانة كارت ليدات ( 48 ) ... طبعا ها تلاحظو الفرق مش طبيعى



بالنسبة للشنطة انا عملت فيها فرح العمدة ... اشتريت فانوسين اشارة صغيرين ... ومشيت السلك من لمبة الشنطة من تحت الصاج لان الشنطة سقفها فية فتحات كتييييييير ... ووصلتة فى الواجهة ... وطلع بالشكل دة ... بس مش ها قولكم على الاضائة بتاعة الشنطة عاملة ازاى ...


بالنسبة للكاسيت اللى بيشغل اوديو فقط ( ودة من ضمن المساوء القليلة اللى موجودة بالعربية ... كانت المشكلة عندى انة مش بيشغل mp3 ... وطبعا انتم عارفين صوت ال mp3 .. عامل ازاى ... وممتع فى سماعة سواء فى الاغانى او القرآن ... فعملت الحل دة وقلت استغل الدرج استغلال كويس ... وفى نفس الوقت ابعد عن ال mp3 اللى بيعوز شحن ... او الميديوليتر اللى بيركب على الولاعة .. لن خرج الصوت بتاعة سىء جدا ...
فاشتريت مشغل ال mp3 ده ... رائع جدا وخرج الصوت بتاعة حكاية وبيشغل فلاشة وكارت ميمورى ... وفية بيز ... وراديو ... وشكلة صغير داخل الدرج مش باين ...وطبعا مع السماعات اللى انا كنت مركبها ... الصوت بقى تحفة ... مش بعرف اعلى الصوت اكتر من 8 .... ودى صورتة

وكمان فية مساحة فاضية لعلبة السجاير والولاعة
واى خدمة
----------------------------------------------------------------------
ودة الكمبروسر واحد بستم اللى انا اشتريت ب 130 جم واحد بستم من التوفيقية ... وقوى جدا ... وبيرفع العربية حتى لو كان الكاوتش على الجنط ...
وفية منة ال اثنين بستم ب 210 جم ...
وموجودين الاتنين فى التوفيقية ... شفتهم اول امبارح

الصورة دى علشان خاطرك يا ابوجنى علشان نسيت اخليك تشوفة فى المقابلة