[magdy_c_c]

المشاركة الأصلية كتبت بواسطة د/محمود عبدالمقصود الربا ربا ...و دلوقتي بقى في شيوخ بتحلل الزنا فما بالك بتحليل قرض !!! اتقي الله يجعل لك مخرجا , و يرزقك من حيث لا تحتسب و بعدين عايز تقسط مستعمل قسط مع بنك فيصل الاسلامي حلال و ميه ميه

السلام عليكم ورحمة الله و بركاته
ما عليش يا دكتور
بما ان حضرتك بتقول ان تقسيط المستعمل مع بنك فيصل الاسلامى حلال و ميه ميه
ايه اللى يثبت ده؟؟؟
و بعدين هو البنك بيمتلك السيارة فعلا ًً و بتكون فى حيازته ؟؟؟
طيب بيشترط تأمين عليها ؟؟؟
طيب لو واحد تعثر فى سداد قسط أو قسطين بيزودوا الفايدة عليه ؟؟؟
طيب فى حظر بيع على السيارة و لا لا؟؟؟
و قبل ده كله هل قيمة الفايدة ( المرابحة - السعر المؤجل - القيمة الاجمالية ) أيا ً كان اسم الفايدة
ثابتة و لا متناقصة و لا مرتبطة بالقيمة النهائية للسيارة ؟؟؟
ما عليش استحملنى حضرتك شوية
هل لو انا مثلا ً قررت أشترى سيارة من البنك الاسلامى ( فيصل ) ممكن أتعاقد على شراء السيارة بالتقسيط و بعد دفع مصاريف الاستعلام و المصاريف الادارية ، و ...
لو تراجعت فى عملية الشراء هل بيردوا لى الفلوس تانى و لا لأ ؟؟
طيب لو انا عجبتنى عربية مش تبع البنك ، هل البنك ممكن يخلص فيها لى بالتقسيط و لا لأ ؟؟؟
يا ريت نستفيد من حضرتك فى هذا الموضوع لأن ده هيحل مشكلة ناس كتييييرة عاوزة تركب عربيات تقسيط بالحلال