افضل 128 ممكن يجيبها
ال 128 الابارث و بتبقي موديل 77 او 78 بس دي صعب يلاقيها
و لو عاوز موديل اعلي يبقي ال128 GLS موديل 88 الي 91
بعد كده موديلات 95 صاجها تعبان جدا و اسعارها تعادل ال 91 بس ال91 امتن
بالنسبه للجديد فبصراحه غاليه اوي ليه ادفع 42 الف في عربيه 128
قريبنا عنده 128 مقضى نص مشاويره عند الميكانيكى وقبل كده سلك الدبرياج اتقطع وفضل ماشى بيها لحد ماراح يصلحها ده غير انها سواقتها صعبة ومؤرفة لو عايز يوفر عنده الاونو اقتصادية وقطع غيارها تكاد تكون نفس سعر قطع غيار ال 128
|
باسنت
لو قريبك بيتقطع منه سلك الدبرياج كتير خليه يروح لكهربائي مش ميكانيكي!!!
ايوه كهربائي ما تستغربيش لان ممكن يكون الارضي بتاع العربيه ضعيف(الارضي اللي هو السالب)
و الارضي دا بيبقي عباره عن كابل السالب خارج من البطاريه و متوصل في جسم العربيه
لو كابل الارضي ضعيف العربيه بتدور علي اي مكان تاخد منه ارضي
و سلك الدبرياج في ال 128 بيبقي واصل في جسمها و دا خطأ في تصميمها
يوم ما الارضي بيضعف العربيه بتاخد ارضي من سلك الدبرياج
يقوم السلك يسخن جدا و مش يتحمل و يتقطع
دي حاجه فنيه كده و مش كل الميكانيكيه يعرفوها الا لو واحد فاهم اوي
