كنت متعود دايما احط بنزين 80 لعربيتى لانوس 2006 وكانت بتمشى كويس لكن بيبقى فى صوت كركرة واضح جدا خصوصا مع التكييف
ومن حوالى شهرين جربت موضوع الاستاذ عصام غنايم وظبطت فيشة الاوكتان على 80 والنتائج كانت كويسة وبصراحة انا كنت متردد انى اعمله وخايف ابوظ حاجة فى العربية لكن الرجل كان فى قمة الاحترام والذوق معايا وفضل معايا على التليفون خطوة بخطوة
بس برده فضل صوت كركرة بسيط على الاول والتانى ومن يومين جيت حسبتها لو حطيت 11 لتر 92 وفولت الباقى 80 فلقيت انها هتزيد فى التفويلة 10 ج فقط
وبالفعل جربت وحطيت 11 لتر 92 وكملت حوالى 28 لتر 80 واطلع بالعربية الاقيها حاجة تانية خااالص وكأن التنك متفول 92 بالكامل
والحمد لله العربية ماشية كويس ومفيش كركرة وسحبها اتحسن عن الاول كمان
وفى النهاية الفرق بسيط 10 ج فى التفويلة