[وائل الخطيب]

الرينو سيارة صديقة .. أشعر بها وكأنها بالفعل فرد من العائلة .. لكنها تزعجني قليلا .. في البداية ارتفع صوت المحرك فجأة وأصبحت تزعق عند آخر سرعة لتغيير للسرعة الأعلى .. اكتشفوا أن شداد السير لازم يتغير ... مع بلية الشداد .. واتضح أن هناك بليتين للشداد واحدة ثابتة والتانية متحركة .. لما رحت التوكيل فوجئت إن سعر الثابتة 520 جنيه بالضريبة ... والتانية 375 .. وطبعا غيرت رأيي ورحت لشركة صيانة قالوا ممكن مايبقاش التغيير لكل الشداد فقط استبدال البلية الداخلية(الرلمان بلي) بواحدة أخرى .. ونجحت الفكرة لكن عاد الصوت من جديد .. على العموم مش مشكلة ... لكن الإزعاج فعلا إني ساعة ما اشتريت العربية كانت أحداث الثورة وطبعا كان صعب الذهاب للمقطم .. وكان توكيل المنيا لسه ما فتحش .. ومركز صيانة أسيوط برضه لسه ما ابتداش .. المهم إني عملت بالعربية 45 ألف كيلو وما دخلتش صيانة لغاية دلوقتي .. عايز أعرف هل فعلا الضمان لغاية كام كيلو؟ وإيه أهم قطع الغيار اللي لازم تتبدل دلوقتي وشكرا