رد: لكل اصحاب البولو الكرام ارجو المساعدة ؟
هو أنا مش حقدر أفيدك أوي في الموضوع ده لأن عربيتي Polo 2001 GTI بس الي أقدر اقولهولك إن مفيش بولو نزلت مصر من الوكيل فيها ABS خالص.
غير كده غالبية الناس بتشكر في البولو 99 وبعدين حط في حسابك حاجة مهمة وهي إنك تلاقي حاجات استيراد في السوق. مش عايز اوجع بطنك بس تجار فولكس كتير بطلوا يجيبوا عربيات استيراد بولو 99 فما بالك بقى بالجولف القديم.
أهم حاجة انصحك بيها انك تاخد العربية على ورشة بتفهم يفلوها كويس جداً
ويبصوا على العداد والكنترول بتاع العربية والتكييف والعفشة والتعليق دا طبعاً غير الدهان
وخلي بالك إن قطع الغيار الأصلية غالية مش رخيصة وفي جدول صيانات مفروض تمشي العربية عليه علشان تستمتع بيها ومتكرهاش
|