[حمدى مخترع مانيوال بدون د]

المشاركة الأصلية كتبت بواسطة الهولندى الطائر حضرتك متفائل جدا إحمد ربنا لو رد عليك السلام أصلا ده عندنا فى بلدنا تدخل وتتكلم وتسلم وهو يدوبك يقولك كلمة واحدة وما يرضاش يفهمك اى شىء ولا يفيدك وكل ما تكلمه يقولك حاضر يبقى حضرتك متفائل لما تقول اسئله امال انا بقيت ميكانيكى عربيتى ليه لانى مش بحب حد يترسم او يتمنظر او حتى يتقل فى الكلام معايا خدتها من قصريها أفرول وعدة واشتغلت بايدى واحترمت نفسى بالتجربة والمحاولة والقرايه والبحث وشوية كتب على خبرات منقوله وبقالى اكثر من 3 سنين مش بروح لميكانيكى ولا كهربائى عمرى ما قابلت مهندس ميكانيكى فى ورشه كل اللى شفتهم مع اصحابى او جيرانى او حوالين المنطقة كانوا بليجية ( صبى متطور نتيجة الزمن الى صنايعى ) المفردة او المصطلح ده اصحابى واصدقائى بقوا حافظينة لما يشوفوا صنايعى ويقولوا بليجى فعلا زى انت ما قولت وفيه منهم ( كلمة حق ) ناس شاطرة وعفاريت انما ما بيفهمش فى التفسير العلمى للميكانيكا يعنى خبرة بس لو سألته ممكن يبصلك باستغراب ويضحك عليك والحمد لله على كل شىء

شكرا لهتمامك انت معاك حق بس انا بستغرب عاللكلام امال انا ليه مش زيهم وممكن اقعد اوصل لزبون العطل الى عندو وايه سسببو ويعمل ايه عشان ما يحصلش تانى وممكن اطلع اوصل الزبون لغايت الطريق وبتعامل على انو صديقى وعربيتو عربيتى وفى ناس كتير كدة