[hyundai 2005]

المشاركة الأصلية كتبت بواسطة jojojojojo لا الكلام ده مش مظبوط نهائي لان مش كل السلع عليها تكلفه وتكلفه الكهرباء والاجور والايجار ديه تكاليف عامه ثابته لا يتم تحميلها علي المنتج او السلعه يعني باع مبعش هيدفعها فمينفعش نربط اسعار السلع باسعار التكاليف اللي حضرتك ذكرتها وخصوصا لو حتي التكاليف الخاصه زي تكاليف النقل والتسليم والاستلام زادت فهو هيكون حمل البضاعه القديمه بالتكاليف القديمه الخاصه والدليل علي ذلك ان معظم التجار دلوقتي محتفظين ببعض السلع بكميات ليستفادوا من فرق السعر الجديد والقديم وبيحققوا مكاسب كبيره جدا بس طبعا حرام وحضرتك ذكرت ان هيجي يشتري البضاعه من التاجر تاني هيلاقيها زادت وهوه بايع بالسعر القديم هقول لحضرتك ان البضاعه اللي باعها بالسعر القديم ملهاش علاقه بالبضاعه اللي هيشتريها بالسعر الجديد عشان هوه في الاساس اشتري البضاعه بسعرها القديم وحط لنفسه هامش ربح علي اساس السعر القديم اللي اشتري بيه ديه وجهه نظري وانا ع فكره محاسب وشغال ف المجال من سنتين

اخي الفاضل وزميلي في المهنه
زي ما حضرتك عارف مافيش اي نشاط فالكوكب كله مالوش تكاليف تشغيل . ايا كان وتحدي

ثانيا حضرتك محاسب ازاي تقول ((مش كل السلع عليها تكلفه وتكلفه الكهرباء والاجور والايجار ديه تكاليف عامه ثابته لا يتم تحميلها علي المنتج او السلعه يعني باع مبعش هيدفعها فمينفعش نربط اسعار السلع باسعار التكاليف))

ازاي لايتم تحميلها عن المنتج ؟ امال التاجر يدفعه من جيبه الخاص ؟
لو كان كده ما كنش في حد اشتغل في التجاره اما تكاليف النشاط حيدفعها من جيبه الخاص
يبقي يقفله احسن طالما مش جايب مصاريفه ولا ايه ؟

المشكله كلها في طبيعه التاجر
التاجر اللي بيخاف ربنا بيطلع وينزل مع السوق
لاكن التاجر الوحش بيطلع بس مع السوق حتي لو نزل مالوش فيه .


جاوبني ببساطه اعتبر نفسك فاتح محل فلاتر فقط
عندك 100 فلتر في المحل بسعر 50 جمله للواحد يعني اجمالي 5000 جنيه بضاعه تمام ؟
بتبيع الفلتر ب60 جنيه تمام

نفرض انت بعت الكميه كلها في 3 شهور تعالي بقي سيدي المحاسب

قائمه الدخل في ..../../2012

اجمالي الايرادات ......................... ......................... ..... 6000

يخصم تكاليف تشاط

مرتبات ......................... ......................... .................. 1500
ايجارات.................. ......................... ......................... ...1500
كهرباء................... ......................... ......................... .....100
مياه ونظافه................... ......................... .......................20 0
تامينات.................. ......................... ......................... .....200

-----------------------------------
مجمل الربح.................... ......................... ...................2500

يخصم مصوفات عموميه
م. عموميه................... ......................... .......................10 0
------------------------------------

صافي الربح.................... ......................... .............. 2400

انت كده خسران ولا كسبان ؟؟؟؟؟؟؟؟؟؟؟؟؟؟؟