رد: العربيه هلاك والتامين بيعمل مشاكل معايا
العربية اكسنت ار بي 2012 بس استلمتها في اغسطس 2011
والحادث حصل في نوفمبر 2012 (يعني مر عليها سنة و 3 شهور)
اول ما امنت عليها كانت ب 100 ألف جنيه وده كان في اغسطس 2011 لكن كان في شركة مصر للتأمين
وفي اغسطس 2012 أمنت في وثاق(علشان موضوع انها تكافلي) ب 90,000 (لازم طبعا تنزل 10%)
لما حصلت الحادثة كانت وثيقة التامين بتقول أنو المبلغ اللي يدفع في حالة الهلاك الكلي
يكون ايهما اقل
القيمة المؤمن بيها او قيمة العربية في السوق (يتم خصم 15% لو مر على العربية سنة)
وطبعا بعدها بيخصمو 8% استهلاك بعدها في الحالتين
انا كنت مأمن ب 90,000
90 - 7.2 (اللي هيا 8% استهلاك) = 82.800
بس انا اخدت 82 بس
ده اللي انا اعتقد انهم عملوا في حالتي
بس ممكن بردو يكونو شافو تمن العربية الجديدة في السوق بكام وخصمو من تمنها 15% علشان مر سنة على عربيتي وخصمو 8% علشان الاستهلاك فطلع الرقم 82 الف
بس في ملاحظة: انا كنت مأمن في وثاق ودافع 25% زيادة في التأمين علشان شرط انو في حالة حدوث سرقة ما اتحملش اي حاجة نهائي
انا مش عارف هل الموضوع ده للسرقة بس ولا في حالة السرقة أو الهلاك الكلي كمان ؟!
يعني انت لو مش دافع 25% الزيادة اللي في التأمين ممكن يخصملك 25% من قيمة العربية كمان في قيمة التعويض لو طلع الكلام ده مظبوط.
بصراحة هما محترمين جدا وسرعين في الاجراءات
ولو انت انجزت الورق الللي بيطلبو منك (في حالة الهلاك الكلي) بيطلعولك الشيك في وقت كويس
وبصراحة انا اي حد من صحابي عاوز يأمن بقولو عليها
بس انا معرفش بقى في حالة التصليح والخبطات العادية بيعملو ايه
بس في نقطة انا كنت مهتم بيها لما امنت عندهم انو انا كنت بدور على شركة تامين تكافلي علشان في فتاوى كتير انو التأمين العادي هو نوع من انواع الربا
والمستحسن انو التأمين يكون في شركة تأمين تكافلي
ارجو اكون افدتكم وأي استفسار انا حاضر
|