رد: حد يعرف ضغط اطار لانسر بيتظبط على كام
أول حاجة لازم تعرفها: ضغط الإطارات ثابت صيف شتا ولا يتغير
تاني حاجة: الضغط المكتوب على القايم أو في الكتالوج بيكون على البارد... يعني قبل ما العربية تكون اتحركت بعد ركنة طويلة (مش أقل من 3-4 ساعات) أو بالكتير تكون مشيت لمسافة لا تزيد عن 2 كيلومتر... بعد كده الهواء في الإطار بيكون سخن... ولما الهوا يسخن بيتمدد وضغطه يزيد
لو عايز تظبط الضغط على الساخن... اعمل حساب 10% زيادة عن الضغط الأصلي
بمعنى إن لو الضغط المفروض يكون 30 على البارد... تظبطه على 33 على الساخن
تالت حاجة: لو عربيتك محملة.. المفروض تزود الضغط.. علشان شكل الإطار يفضل ثابت ويكون الثبات أعلى
آخر حاجة: لو كان الضغط الفعلي أقل من المكتوب على القايم .. ممكن يكون مريح نسبيا في الركوب... بس استهلاك البنزين هيعلى وممكن يأثر على العفشة الأمامية وبالذات نظام التوجيه.
...
|