[Payoo]

المشاركة الأصلية كتبت بواسطة AboNoRa يا بايو انا مخفيتش الصورة انا حطيت رابط الموضوع بالصورة للى عايز يشوفها انا شخصياً شايف ان منظرة مقزز ومحبش اشوفة او اعرضة للناس يمكن هو شايف مفيش مشكلة انت شايف مفيش مشكلة عادى كل واحد ليه قناعاته لكن انا قناعتى ان المبداء مرفوض ومفيش غاية سامية تبرر وسيلة شاذه ولو اجزنا المبداء بحجة العمل يبقى الممثلة عادى برضو انها تتعرى فى مشهد اغتصاب او خيانة زوجيه وكله لمصلحة العمل الدرامى وده فعلا اللى الناس ديه مؤمنة بيه وده فعلاً اللى بيقبلوه على نفسهم وده اللى انا وغيرى بنرفضة برضو وبعيدا عن الصور نص الحوار مع العربية بيتكلم عن تجرد كامل من الملابس واظهار للعورات وده مذكور نصاً فى اكثر من موضع من الحوار بما يؤكد المعنى تعرى يا بايو تعرى والراجل بيقولك وايه يعنى ما صدر المرأه كان بيظهر عارياً زمان عادى !! مش معقول نعمل كل مصيبة ونقول علشان العرب وعلشان فلسطين وعلشان العراق ايه دخل ده فى ده بس اقولهالك بالبلدى حاضر تحب تتفرج انت واسرتك على راجل متجرد من ملابسة تماما تحت اى سيناريو او هدف تفتكر لو اتعمل فيلم عن اغتصاب مواطنة عراقية على يد جندى محتل نجيب ممثلة تتعرى علشان تمثل المشهد ونقول ده فن وده هدف نبيل ومال الحكومات والرؤساء بموضعنا كله اساسا هما الحكام والرؤساء ولا العامة حتى لسه متفرجوش على الصور الاصلية فى الاخبار وفى كل وسائل الاعلام وبقت مؤرشفة فى حته فى الدنيا اصلا ومحتاجين يتفرجو على نور الشريف المثقف المتعرى !

هو أنت يا أبو نورا للي شلتها ؟ طب يا سيدي حصل خير ولا يهمك

وبصراحة أنا ماشوفتش الفيلم لكن شوفت الصورة إللي أنت حاطط اللينك بتاعها وهي صورة لنور الشريف منبطح على الأرض ونصفه الأعلى عار ومربوط بطوق زي الكلب ودمه بينزف عشان كده أنا حكمت على الصورة أنها عاديه وإن كانت مقرفه ... لكن لا فيها عاورات مكشوفه ولا حاجه

وأنا اوعدك أني اشوف الفيلم وأقولك رايي في الفيلم (بس على فكرة الفيلم مكتوب عليه للكبار فقط وبكده يبققى ما حدش له حجه)


على أي حال أحنا هنا مش بناقش الفيلم ولا الصورة يا أبو نورا أحنا حنا بنتكلم على رجل نثق فيه جميعا وله تاريخ أعتقد أنه جيد

ويجب أن ننتظر نتيجة التحقيقات التي يباشرها النائب العام بنفسه وبعد كده نحكم وإلى تلك اللحظة انا بجدد ثقتي في "نور الشريف"