المشاركة الأصلية كتبت بواسطة mohamed luxor
كلام حضرتك صح هتزيد بالنسبه للى حاجز من شهر 11 الفين جنيه
المهم طمنا حضرتك استلمت ولا لسه
|
ياباشا انا صاحب الموضوع حصل معايا موقف غريب
من حوالى اسبوع كلمنى مدير فرع التوكيل بالدقى
وقاللى ممكن تستلم قبل اول السنة قبل ما الاسعار تغلى 2500 جنية
لان المانيوال الكاملة هتبقى بـ 75000 جنية والهاف هتبقى بـ 70500
ولكن هتستلم بشرط
قولتله قول ياكييينج
قاللى هتستلم اللون الفيرانى اللى انت حاجزه بس هاف اوبشن وبالسعر الحالى 68000 جنية
والفرق مش كبير
الفرق زجاج كهرباء بالخلف ومرايات كهربا وايرباج وسماعتين بالخلف زيادة ونور شبورة امامى و النواكل اللى بالتابلوة والشانطة
قولتلوه بسسسس
ياراجل وكل ده الفرق مش كبير دانت ناقص تقوللى ان الهاف مبتنزلش بعجل
قاللى براحتك بس انا مشعايزك تنتظر للسنة الجديدة عشان زيادة السعر
عموما انا وافقت واستلمت من يومين وان شاء الله النهاردة استلم ورقة الافراج عشان ارخص بكرة
وانا اشترتيلها غطاء رينو الاصلى الووتر بروف مكتوب عليه رينو ودواسات موكيت الاصلية من منفذ قطع الغيار اللى فى شارع نوال بالدقى
وبعد ما جبتها الصراحة ما حستش ان الفرق كبير قوى غير حاجتين الايرباج و فوانيس الشبورة الامامية فقط ( لان الهاف فيها خلفية )
عموما اتمنالكم تستلموا كلكوا
على خير ان شاء الله