رد: الاوبترا والماتريكس محتار بينهم
انا ما سوقتش الاوبترا لكن معايا الماتريكس الاتوماتيك 2008 والحمد لله مريحانى جدا لاسباب اسردها يمكن تكون فيها اجابة ليك:
1:العربية عالية عن الارض ومابحتاجش اخد المطب بزاوية.
2:كراسيها عاليه ومع مرايتها بتكشف كل الطريق.
3:عملية وخصوصا للعائلات. يعنى مع ال 1600 سى سى بشيل اوزان عالية فيها والحمد لله سحبها جميل.
4:العربية من جوه واسعة لفوق فحلوة للناس الطويلة وخصوصا فى قعدتها.
5:الشانطة بتاعتها لو شيلت الفيبرة اللى محطوطه هاتقدر تحط فيها شنط على الاقل اربع شنط ولو عاوز اكتر رجع الكنبة اللى ورا وحط اللى انت عاوزه.
6:صيانتها اسعارها كويسة
7:عاربية ماسكة سعرها فى السوق وبيعها سريع.
8:عاجبنى فيها زرار ال over drive بيساعد فى زيادة قوة التسارع بشكل جميل وقوى.لكن:
9: كثبات على الارض فوق ال 130 وفى شوارعنا الجميلة بحس انها مش ثابتة اوى وده مش معناه انها وحشة فى ناس اعرفها بتمشى بيها لغاية 160 بس انا مازودتش بيها عن 130( بس ده يتوقف على الطريق)
10:مافهاش كماليات من جوه لكن ده ممكن تظبطه . والامر فى الاخر راحة نفسية . يعنى انا احب العربية العالية سواء هاتش باك زى الماتريكس او عربية دفع رباعى .وحاجة اخيرة: ربنا يوفقك وتجيب عربية حالتها ممتازة علشان هاتفرق كتير فى احساسك بيها وتقبلك ليها.
|