[محمدصلاح القاضى]

المشاركة الأصلية كتبت بواسطة mohmadabdelazez ياجماعة حد يرد عليه انا بكرة باذن الله تعالى رايح اشترى عربية من اسكندرية 132 2000 سسى ممكن حد يقولى ضريبتها كام فى السنة وكمان اخد معايا اية من قطع غيار وعدة لانى رايح اشتريها من صاحبها وهو رافعها بقالوا حوالى 5 سنوات وميعرفش عنها اى حاجة خالص وانا خايف انها تعطل معايا على الصحراوى لا قدر الله وربنا يسترها برجاء سعة الرد لانى معرفش اى حاجة عن الفيات عموما انا معايا كورولا 80 وشكراااااا اخوكم محمد عبد العزيز

اولا هشام الجزار بيحذرك انها تكون تاكسى
بس انا بقول ال 132 قليل منها اللى كان تاكسى وخصوصا ال 2000 سى سى
عشان الضريبه والاستهلاك من وجهة نظر سواقين التاكسى
وكمان لو كانت شغاله تاكسى اكيد كانت مقلوبه غاز
لكن برضه لازم تكشف على الملف فى المرور وتشوف اول الترخيص كان ايه ؟؟
تاكسى ولا ملاكى بس دا عاوز قرشين من تحت لتحت عشان بتعتبر الحاجات دى معلومات تخص المالك

ثانيا
سيبك من كلام السمكرى اللى هناك
حضرتك لازم تتأكد من الموتور والات الجر لانهم اغلى حاجه حاليا فى العربيات دى
حضرتك بتشترى العربيه على تجربه اسبوع لو ظهر اى عيب جوهرى لازم العربيه ترجع
وتاخد فلوسك كامله
فى خلال الاسبوع تغير الزيوت كلها لان الناس انعدمت ذمتها بتحط حاجات على الزيت تقلل من حدوث اى اصوات
ولوتمام يبقى ربنا يبارك لو مش مظبوطه يبقى ترجع وتاخد فلوسك
وكان فى موضوع عن العربيات المستعمله وكيفيه الفحص
ياريت تشوفه لانه مفيد
http://masrmotors.com/vb/showthread.php?t=102967