طيب يا باشا ... فين السؤال ؟؟؟ انت شاور عليه بس و انا اجاوب على طول
عموما يا باشا الفتيس الاتوماتك نظريته مختلفة شوية عن المانويال يعنى هو بيتكون من درجات بالترتيب التالى
P و هو وضع الباركنج و فيه لا تتحرك السيارة كأنها مشدودة بفرامل اليد و فى نفس الوقت ممورة
ٌٌR و هو المارشدير او الرجوع للخلف
N و هو وضع المور
D و هو وضع الدرايف و فيه تتحرك السيارة الى الامام تبع ضغطة البنزين و تتغير من النقلات الاولى الى الرابعة أو الخامسة و بالعكس اتوماتيكيا
D1 ,D2 ,D3 و هى مش موجودة فى كل العربيات الاتوماتك و تستخدم عندم نريد الوصول لعزم عالى فى السيارة فى حالة المطالع القاسية و ده بس فى حالة ان غيار الدرايف العادى مش قادر يدفع العربية كويس
وهو عموما فى الطلوع و النزول على المنحدرات حضرتك مابتعملش اى حاجة فى الفتيس خليه على D و خلاص بس شيل رجلك من على البنزين و انت نازل لو الامر محتاج و ممكن تفرمل كمان انما مابتحتاجش تنزل نقلة ولا حاجة لأن ببساطة النقلة بتنزل اتوماتك لما العربية بتهدى.
و بتحطها على D3 أو D2 أو D1 لو انت طالع مطلع جامد و العربية مافيهاش عزم خالص
و بس يا باشا ... و الف مبروك العربية الاتوماتك .... ربنا يديك خيرها و يكفيك شرها