انا اتعلمت فى مدرسة اسمها المراد كار و ديه قريبه من حدائق المعادى
فى شارع احمد زكى قبل المليجى بتاع الكباب والكفته
وسعر ال 10 حصص كل حصه مدتها ساعه
حوالى 300 جنية
بس بصراحه بيعلم فى ازحم مناطق فى مصر وفعلا بيخليك تسوق فى اصعب ظروف و هو كويس فعلا لتعليم السواقه
اما بالنسبه انصحك باية
1:اوعى تشترى من سوق السيارات اللى فى مدينة نصر نهائيا
لانك هتشترى بسعر اغلى من السعر الحقيقى بكتيير
واشترى من حد جاركم او واحد معلق للبيع على عربيه فى الشارع كده يعنى
وكمان لازم وانت بتشترى تاخد معاك حد بيفهم كويس جدااا فى العربيات ويكون محل ثقه علشان يقولك عيوب العربيه الى هتشتريها ايه ومميزتها ايه
واخيرا
الراجل اللى هتشترى منه العربيه لو قعد يحلفلك من هنا لبكره الصبح
ان العربيه ديه حلوه ومش محتاجه مصروف ربع جنيه والكلام ده
أوعى تصدقه خالص
مفيش عربيه مستعمله مش بتحتاج مصروف حتى لو كانت موديل 2012
فما بالك بقى بعربيه من التمنينات والتسعينات
وربنا يعينك