[ابوجنى2112]

المشاركة الأصلية كتبت بواسطة zing0 بصراحة أنا مش هأتكلم عن نفسى, أنا هأتكلم عن مثلى الأعلى فى العربيات, واحد جارنا أسمة عم رشدى الراجل ده بجد محسسنى إن اللادا (بوجه عام) مرسيدس. راجل لاداوى عتيييييييق. تقريباً جنسيته روسى كمان. كان معاه لادا 2105 حمراء موديل 84 س س, 1300بقالها فوق الـ 25 سنه. و تقريباً فكها و أعاد تجميعها كلها من الأول (قصدى بقى فاهم فيها) و فجأه باعها, ليه ؟؟ هل تخلى عن مبادئة و عشرة عمرة, و ليه مستحمل كل ده لو مش عاجباه و .... و فجأه بأعدى على الميكانيكى إللى فى المنطقه عندنا لاقيته بيلين عربية لادا 2107 موديل 2001 تقريباً, و بيقولى أيه رأيك؟ عملتلها طقم شنبر. __" الله ينور" و محطيتش فى بالى. آخر الليل لاقيت عم رشدى هو إللى سايقها. راجل أصيل صحيح. سألت ولاده قالولى إنه طلع معاش و بالمكافأه بتاعة نهاية الخدمة زوّد على تمن القديمة و جاب دى. ربنا يباركله. الغريب ... لية مفكرش يغير؟ لية مثلاً مقالش إن الشاهين أحسن و لا يجيبله واحده لانوس مثلا و تكييف و باور و الذى منه؟ و هل هيشتغل عليها مثلاً؟ لا أعتقد ذلك. مرة سألت أبنه (إللى فرتكله العربية القديمة كذا مرة) بأقوله إشمعنى اللادا؟ قاللى قطع غيار + صنايعيه + تحمل (- كماليات) = قطع غيار و مصنعية أغلى + كماليات. و قطع الغيار فى مصر مضروبة و مبتقعدش. (وجهه نظر) بس برضة الموضوع مش مادى. الموضوع ....فهمها و فهمته.

هو ده الحب الحقيقى ..والتفانى فى تلبية كل مايحتاجه الحبيب