رد: بصراحة بعد فحص وتمحيص هقول (لأ) للدستور
السلام عليكم
يافندم للاسف الناس اللى بتقول نعم عندما اسألها هذا السؤال
بيكون ردهم هو
نعم للاستقرار
نعم علشان الحال يمشى وللأمن
للاسف كل اللى بيقولوا نعم
فاهمين ان فيها الاستقرار
وللاسف كثير منهم لم يقرءوا الدستور أصلا
انا بتكلم عن اللى انا سألتهم
ولا اتكلم عن اعضاء المنتدى الكرام
حتى لا ادخل فى جدال و سفسطة
مع الاعضاء المحترمين
اصحاب الراى نعم
انا بقول كل واحد حر
ولم ولن اقنع احد ب لأ
انت حر فى قرارك
ولا تحكم على قرارى
بأننى ضد الاخوان
هذا غير صحيح
انا قرأت الدستور جيدا
ومقتنعة ب لأ
اما بالنسبة للاخوان فانا أرى انهم أخذوا فرصة على طبق ذهب و أضاعوها
كان ممكن يصلحوا كتيييييير فى البلد
ويكسبوا ناس كتيييير لو كانوا اشتغلوا صح وبدءوا بحل مشاكل الناس
العيش و الحرية و العدالة الاجتماعية
للاسف لا خطة واضحة
قررات متخبطة وتراجعات غير مدروسة
الفقير زاد فقرا والناس الغلابة بيموتوا من الجوع
غلاء ومشاكل وقاعدين همه يلطشوا شمال و يمين
هنقول لا نستعجل !!!!!!! ماااشى
طيب حتى أقل القليل
أدنى حد من مراعاة الفقيراللى عاوز يعيش
وعاوز يتعالج ويأكل ويشعر بالأمان على اولاده
حتى النصيحة الدينية بسلاطة لسان و تطاول وعجرفة
القليل منهم اللى بقى يتكلم بالحلم والحكمة و الموعظة الحسنة
اصبحت المتسولات و الغير محترمات و السارقات يتخفون بلبس النقاب ؟؟؟؟؟؟ حاجة تقرف و تزهق بصراحة
أقول ايه و لا ايه؟؟؟
عارفة ان كلامى هيزعل ممكن ناس كتيييير منى
بس انا صريحة وما يجول بداخلى بقوله بصراحة
اتمنى حال بلدى ينصلح
ولا اتمنى الفشل لدكتور مرسى
اتمنى ينسلخ من الاخوان اللى هيوقعوه
ويشرك كل التيارات السياسية معاه بالمسئوليه
يارب بلدى يتبقى احسن بلد
احنا مش ضد الاخوان
واللى بيقول لأ مش علشان ضدهم
همه بس فيه غموض فى أمورهم
زى الحارس الشخصى للباشا خيرت الشاطر
سلاح بدون ترخيص
وكان مسجون وهرب لغزة وقت الانفلات الامنى
ما معنى هذا
ومين بقه على كدة اللى هرب المساجين و فتح السجون ؟؟؟؟
ومعظمهم وقتها هرب على غزة!!!
ياريت نفكر
وتساؤلات كتيييير لا وقت لها بنفكر فيها
يارب استرها على البلد
__________________
اللهم ياجامع الناس ليوم لا ريب فيه اجمع على ضآلتى
سبحان الله وبحمده سبحان الله العظيم
|