[محمود حسين المتحدة]

الحقيقة كنت قولت انه لى طلب عند الادارة واتمنى ان الادارة تسمح به بس وبعد اذن البشمهندس ياسر طبعا فى الاساس باعتباره صاحب الموضوع
بصوا يا جماعة هو طبعا ناس كتيرررررررررر اوى بتقرأ المواضيع على المنتديات بشكل سريع ودون الدخول فى كل التفاصيل وكلام كتير زى بتاع واحد من الناس اللى زى حالاتى – الرغايين يعنى - فانا بس بتكلم انه وقبل توضيح انه الموضوع فيه سوء تفاهم والحمد لله تم توضيحه بكل تفاصيله من خلالى ومن خلال البشمهندس ياسر و كل الناس اللى شاركوا فى الموضوع ..
لكن اى حد هيقرأ عنوان الموضوع من برة ويدخل ويسمع الكلام اللى كان كاتبه البشمهندس ياسر فى اول صفحة وانه اسعار المتحدة اغلى من التوكيلات والكلام ده هيعمل زى كذا حد هنا فى الموضوع ده وهيقوم عامل اضافة رد ويكتب اللى يقدروا عليه ربنا من الحاجات بتاعة ربنا يعوض عليك ومعلش هم ناس ولاد تيييييت ومعندهمش ضمير والحاجات دى ... أو على الاقل مش هيعلق بس ممكن ما يكملش قراية لغاية الاخر وخصوصا انه الكلام كان كتير اوى وصعب انه حد يقراه الا لو كان فعلا مهتم بمعرفة التفاصيل وده مش كتير عند جماهير المنتديات الزائرة .

يعنى اللى انا بتكلم فيه انه ممكن بقراءة الصفحة الاولى من عضو زائر فقط وبدون متابعة تفاصيل الموضوع وكل وجهات النظر .. ممكن الموضوع ده يبئة مسىء جدا لسمعة المتحدة .. فانا بصراحة عندى اقتراح محدد وطبعا بعد موافقة البشمهندس ياسر لو ينفع انا عايز بس الادارة تنزل اللى هاكتبه ده لوقتى هنا فى مشاركة خاصة تكون اول مشاركة فى الموضوع بحيث تحتوى على ملخص لاسباب كتابة الموضوع وانه يتم التوضيح على انه كان سوء تفاهم وعدم شرح كافى للبشمهندس ياسر ..... وده النص المقترح لو البشمهندس ياسر وافق عليه طبعا او انه يشوف ايه اللى عايز يكتبه يوضح الامر :


( هذا الموضوع يحتوى على معلومات هامة عن مركز المتحدة وعن تجربة البشمهندس ياسر كاتب الموضوع ولكنه يحتوى على اكثر من سوء تفاهم تم توضيحها من قبل مركز المتحدة وانتهى الموضوع بانه قال البشمهندس ياسر بنفسه ما يلى :
انا بصراحة ردك الطويل دة وضحلى كل التفاصيل اللى كنت عايز اعرفها واللى للاسف ما لقتش حد يقولهولى فى المركز لكن على العموم حصل خير ومهما كان الموضوع ولا حتى المبلغ اللى اتدفع فى الصيانة فكل دة مش مهم
مما يعنى انه تمت ازالة اسباب سوء التفاهم وتوضيح كل التفاصيل وخصوصا المالية ويصبح هذا الموضوع فعلا شامل لكل الاراء المفيدة لمن يهمه التعامل مع مركز المتحدة ... ويجب قراءة الموضوع بكل تفاصيله وكل مشاركاته للاهمية ..... )