[eng_yeso]

المشاركة الأصلية كتبت بواسطة محمود حسين المتحدة يابشا خليك معانا للاخر وبعد كدة حضرتك اعمل اللى انت عايزه ...احنا على حد تعبيرك عملنا سمعة كويسة وده على فكرة شىء مش سهل فى مجال شغل زى بتاعنا لدرجة ان حضرتك كنت بتوصفنا لواحد صاحبك . وعايز اكد لحضرتك اننا ناس تعرف تحافظ على القمة لانه باختصار احنا مش هواة وبالنسبة للشغل انا هاكتفى فقط برأى كاتب الموضوع ( لو هتروح تعمل صيانة عندهم هتاخد شغل كويس ) واما الاسعار فواضح ان الموضوع فيه سوء تفاهم واكيد هيبان بس هو عموما احنا حضرتك مش الارخص ولكن احنا سياسة التسعير عندنا ليها قواعد واصول الناس كلها بترتاح فيها والا كنا نكون قاعدين بدون عمل وطبعا بدون سمعة وعموما انا هانتهزها فرصة واعيدها تانى هنا .... بص عشان اريحك ثوانى هاجيبلك كوبى من اللى انا كاتبه بنفسى فى الموضوع اللى عرفنا بمصر موتورز من خلال استاذ احمد فاروق ومثبت هنا فى نفس القسم من ضمن المنتدى وبالنسبة لسياسة التسعير فانا هاوضحها من خلال شرح لشعار المركز اللى هو ( لسنا توكيل .. ولسنا ورشة .. لكن حاجة جديدة ) وده معناه اننا من حيث الحجم والامكانيات والتجهيزات والفنين اعتقد نصلح اننا نكون مركز خدمة معتمد يعنى توكيل ولكننا لسنا توكيل وايضا لسنا ورشة بالرغم من ان اسعار المصنعيات لدينا تعتبر قريبة جدا من اسعار الورش ( اللى بتفهم فى النوع ده من السيارات ) على سبيل المثال مصنعية تركيب الكاتينة فى ال 516 بتكون فى التوكيل 350 ج عندنا هتكون 150 ج مثال تانى تركيب المساعدين امامية او خلفية فى التوكيل بتكون 180 ج عندنا هتكون 60 ج غير اننا ممكن نعمل خصم فى المصنعيات ولو بسيط فى حالة ان السيارة يكون فيها شغل كتير يعنى مثلا لو حضرتك بتغير الاربع مساعدين المفروض تكون 120 ج وساعتها ممكن نمشيها 100ج فقط وهكذا بالنسبة لقطع الغيار ممكن العميل يشترى قطعة الغيار واحنا بنركبها له وفى نفس الوقت احنا بنحاول على اقصى جهد اننا نوفر قطع الغيار لدينا وفى حالة ان حضرتك بتشريها من عندنا بتكون تقريبا بنفس الاسعار اللى ممكن تشتريها به من اى محل بتتعامل معاه وبيكون فى فرق بسيط يعنى من 5 الى 25 ج على حسب القطعة فى مقابل توفير الوقت غير اننا بنعمل ضمان بجد على قطع الغيار الاصلية مثل الضمان المتبع من التوكيلات للمسافات والمدد يعنى لو طقم كاتينة بيكون ضمانه 40000 كم او سنتين وبالنسبة لباقى قطع الغيار الاصلية بيكون 5000 كم او 3 شهور ايهما اقرب باختصار احنا بنعمل شغل توكيلات باسعار الورش

واما الاسعار فواضح ان الموضوع فيه سوء تفاهم واكيد هيبان
حضرتك انا قولت الاسعار اللى انا دفعتها ولو عندك كلام تانى الفيصل بيان امر الشغل (وبالنسبة للمبالغة فى الاسعار ممكن حضرتك ترجع لاستاذ محمد تيسير اللى انت استشهدت بية وكان معايا فى نفس اليوم انا اخدت اوكرة الباب الخلفى من عندكم ب 65 جنية ومصنعية تركيبها هى وضبط غطاء تانك البنزين 50 جنية والاستاذ محمد كان مشتريها من برة ب 40 جنية واختها بالظبط ختى لما قولتلة سعرها استغرب وممكنت ترجعلة )
اما المصنعيات بقى
لما حضرتك تقولى فى التليفون 200 دة شامل تغيير سير الكاتينة والفلاتر وكل شىء ويجى محمد رشاد يقولى 350 جنية (والاقية كاتبلة من ضمن المصنعيات اللى هو سعر عليها تنظيف حساس الabs وغسيل الموتور بشوية بنزين وسنفرة تيل الفرامل دة يبفى كلام مش كويس يا محمود بية)