[salahabdelnabi]

2

" لو لحقوه وطلعوه ممكن نروح فى داهية "

قالها واحد رفيع ملامحه شرقية غريبة شوية لواحد تانى معاه طول بعرض وهما باصين من جنب السفينة على الناس وهى بتحاول تلحق الراجل الغرقان

الراجل التانى : ماتقلقش هو ماشفش وشنا الحقيقى ........انت ناسى ان احنا كنا لابسين اقنعة والا ايه

الراجل الاولانى : لا مش ناسى .......... بس لو عملو تحقيق فى المركب ممكن رجلينا تيجى فى الموضوع

التانى : بأمارة ايه ..... احنا مالناش علاقة بيه وبعدين الجوازات اللى معانا هاتحمينا ........ ماتشيلشى هم

الاولانى : طب تفتكر هو خبى الظرف اللى معاه فين

التانى : مش عارف دا احنا قلبنا الاوضة بتاعته وجبنا عاليها واطيها ومالوش اى اثر

الاولانى : طب انت متأكد ان هو اللى خد الظرف مش حد تانى

التانى : ايوة يا سيدى انا شوفته بعينى وهو بياخده من البت الفرنساوية اللى احنا كنا مراقبنها

الاولانى : الا بالحق هى البت دى راحت فين

التانى : اختفت هى كمان ....... زاى ماتكون فص ملح ودابت

الاولانى : يعنى البت والظرف طارو فى الهوا واتبخرو والا ايه

التانى : حاجة غريبة فعلا ........ احنا لازم نكلم الريس يشوفلنا حل فى الغرقة اللى احنا فيها دى

فى نفس اللحظة رجالة المركب طلعو الراجل اللى كان بيغرق وابتدو يعملوله الاسعافات عشان يفوق

والناس ملمومة حواليهم وعايوشة وهى بتتفرج ميلت على ودن برومبو وقالتله : ياترى ايه حكايته الراجل ده ؟؟ووقع فى البحر ازاى؟؟؟

برومبو : دلوقتى يفوق ونعرف كل حاجة

الراجل فاق وعمال يبص حواليه باستغراب " انا مين ؟؟!!! انا فين ؟؟!!! انا ايه اللى جابنى هنا ؟؟؟!!!

عايوشة شهقت بصوت عالى وخبطت على صدرها : يا ضنايا يا خويا ........ ده الراجل شكله فقد الذاكرة يا برومبو !!!!

بصلها الراجل اوى باستغراب خلت كل الناس اللى حواليهم يبصولها وقفشت فى برومبو بخوف اللى مسك ايديها وقالها : الراجل ده بيتكلم مصرى زاينا .....

وشكله كده فقد الذاكرة فعلا ........ بس هو بيبصلك كده ليه ؟؟؟!!!


يتبع