[ابوجنى2112]

المشاركة الأصلية كتبت بواسطة AbOnOrA يا ابو جنى كامل احترامى لذكرى جد حضرتك وتقديرى الشخصى للجيل الجميل والحكيم ده علشان انا جدودى الاتنين كانو زى ما حضرتك بتحكى اكتسبو خبرة الحياة والاحداث الجسام اللى مرو بيها فى تاريخهم بالاضافة لما تيسر من العلم فى وقتهم بس احنا مش بنتكلم اصلاً على جدودنا احنا بنتكلم عن فئه تتجاوز الملايين من ذوى الاعاقات الذهنية والاداركية اللى شوفتهم بعينى فى الانتخابات اللى فاتت كلها بحكم مشاركتى فى تنظيمها ودول مش بيصوتو لفهم او ادراك دول بيشخو اللجنة معاهم زويهم وهما اللى بيختارولهم الست من دول تخش تقول ده ابنى وتحط صوتها وصوت ابنها وهما الاتنين ميفهموش يعنى ايه استفتاء ولا ايه موضوعة اصلاً والشاهد ان محترفى الانتخابات سواء من الحزب الوطنى قديماً او الاخوان محتكرين الطائفة ديه من الناس بالمساعدات الخيرية فى ظاهرها فقط لتوجيه اصواتهم للاسف فى تعمد للمتاجره بجهل الشعب اولا يعلنو ان الاستفتاء فيه غرامة 500 جنية للى مش هيروح يقوم كل الناس تروح مش علشان تشارك بصوتها لكن خوفاً من الغرامة ثانياً وثالثاً يتم ترهيب الناس تارة وترغيبهم تارة اخرى بالغرامة وبالدين وبالتضليل والكذب وموقعة الصناديق ليست ببعيدة يا راجل يا مؤمن ده انت متقدرش تطلع رخصة سواقة لواحد مبيعرفش يقراء ويكتب عايز تدى للأميين حق توجيه بلد بحالها وسبحان الله نفس الدستور بيرعى استمرار الجهل بدون تحديد ميزانية واضحة للتعليم او نسبة فى الدخل العام او استقلال كامل للجامعات والنكته الاخيرة بتاعة تعريب العلوم يا ناس ربنا اول ما اوحى (أقراء) ولما ربنا سبحانة خلق سيدنا أدم قبل ما يسجد ليه الملائكة وقبل ما يدخلة الجنة علمة اقروا القرأن يا ادعياء الدين بسم الله الرحمن الرحيم وَإِذْ قَالَ رَبُّكَ لِلْمَلَائِكَةِ إِنِّي جَاعِلٌ فِي الْأَرْضِ خَلِيفَةً قَالُوا أَتَجْعَلُ فِيهَا مَنْ يُفْسِدُ فِيهَا وَيَسْفِكُ الدِّمَاءَ وَنَحْنُ نُسَبِّحُ بِحَمْدِكَ وَنُقَدِّسُ لَكَ قَالَ إِنِّي أَعْلَمُ مَا لَا تَعْلَمُونَ (30) وَعَلَّمَ آَدَمَ الْأَسْمَاءَ كُلَّهَا ثُمَّ عَرَضَهُمْ عَلَى الْمَلَائِكَةِ فَقَالَ أَنْبِئُونِي بِأَسْمَاءِ هَؤُلَاءِ إِنْ كُنْتُمْ صَادِقِينَ (31) قَالُوا سُبْحَانَكَ لَا عِلْمَ لَنَا إِلَّا مَا عَلَّمْتَنَا إِنَّكَ أَنْتَ الْعَلِيمُ الْحَكِيمُ (32) قَالَ يَا آَدَمُ أَنْبِئْهُمْ بِأَسْمَائِهِمْ فَلَمَّا أَنْبَأَهُمْ بِأَسْمَائِهِمْ قَالَ أَلَمْ أَقُلْ لَكُمْ إِنِّي أَعْلَمُ غَيْبَ السَّمَوَاتِ وَالْأَرْضِ وَأَعْلَمُ مَا تُبْدُونَ وَمَا كُنْتُمْ تَكْتُمُونَ (33) وَإِذْ قُلْنَا لِلْمَلَائِكَةِ اسْجُدُوا لِآَدَمَ فَسَجَدُوا إِلَّا إِبْلِيسَ أَبَى وَاسْتَكْبَرَ وَكَانَ مِنَ الْكَافِرِينَ (34) وَقُلْنَا يَا آَدَمُ اسْكُنْ أَنْتَ وَزَوْجُكَ الْجَنَّةَ وَكُلَا مِنْهَا رَغَدًا حَيْثُ شِئْتُمَا وَلَا تَقْرَبَا هَذِهِ الشَّجَرَةَ فَتَكُونَا مِنَ الظَّالِمِينَ (35)

كل الشكر والتقدير لرد حضرتك الجميل..
دعنا أولا نتفق ..أنه لاخلاف بين وجهتى النظر..بينى وبينك..
أتفق مع سيادتك من ناحية الآخوة المعاقين ذهنيا شفاهم الله. فهؤلاءلايستطيعون التمييز بين الصواب والخطأ.فى جزء كبير من مناحى الحياة.
ولكن الكلام كان على الاميين.وعلى شرائط الاخوان المسجل بها الدستور ..
وكل طرحى كان بأن يبادر النخبة المثقفة .. وذوى العلم والقدرة على الوصول اللى الاعلام..
لطرح الموضوع فى وقت الذروة للمشاهدين..الاميين وليس المعاقين ذهنيا..بان يتواصلوا معهم
فى وقت الغالبية مجتمعة على الشاشة لمراقبة الاحداث الجارية ..او المسلسلات..
بأن يجعل الخطاب موجه مباشرة اليهم..فذلك سيساهم فى رفع التوعية,,ولو بجزء من كل .
ولو تسمح لى أن أعتب على الصفوة ومثقفينا الكبار ..
لو الناس عاوزة هدوء.. وحاسة ان ده هوالاستقرار علشان الدنيا تمشى..
وسيادتكم شايفين ان دى الاعيب تؤدى الى مهلكه..نافسوا المتنافس الاخربنفس الطريقة.
والمثل الصعيدى بيقول( أحرص قصب . بقصب )قرب للناس .فهمهم.اقنعهم.وعندك من الوسائل
كثيرلكى تتفوق وتبدع.وبالتالى الناس تعرف الصح من الغلط..
محدش بيعيش فى الدنيا لوحدة ..الامير يحتاج الغفير..
كل خلق لما يسر له..ونحن كلنا...كلنا... نكمل بعضنا
وهذا فى حد زاته يخلق نوعا من الود والتراحم بيننا..
اتمنى ان ىكون موضوع أدعاء الدين هذا لايخصنى..فأنا لست من أدعيائه..
أرجو أن تسامحنى على العفوية فى سرد المناقشة ,, وهذا ماتيسر لى..
مع وافر تقديرى واحترامى لشخصكم الكريم..وللأفاضل المشتركون فى هذا المعترك النقاشى
وشكرا........